Шарады авыл китапхана куллыкшысы Р.Менлиалиева, Э.Мурзаева юриттилер. Шарадынъ барысында соьз «село Кумли» СП МО аькимбасы С.Елманбетовага, авыл ясуьйкени К.Умаровка берилди. Эстеликли мерекеге багысланган кешликте концертлик программасы да уйгынланып коьрсетилди. Согыс акында йырды мектеб окувшысы, «Шоьл тавыслары», «Дагестан– меним ошагым» эм сондай баска анъ ярысларынынъ енъуьвшиси А.Нурлубаева конъырав сеси мен йыйылганларга йырлап эситтирди. 7-8-нши классларынынъ окувшылары Э. Рамазанова С.Джумагельдиева, З.Умарова ятлавлар окып эситтирдилер.

Шарага шакырылган конаклар согыс акында оьз эскеруьвлери мен боьлистилер. Китапхана куллыкшысы афган согысы акында слайдлар коьрсетти. Авыл аькимбасы афганшы-аьскершилерине акша савгаларын тапшырды. Шарадан сонъ йолыгыс кешлиги китапхана боьлмесинде бардырылды. Онда конаклар туьрли зияпетли аслардан таттылар, эскеруьвлери мен боьлистилер, йоравларын айттылар.

Шара уйгынлавшылары келеекте де сондай амалламалар озгарылып бараягы акында мыратларын билдирдилер.

Соьйтип шара кызыклы эм йогары коьнъилде оьтти.

Э.Мурзаева.

Суьвретте: кешликтен коьринис.