Ногай халкымыздынъ зейинли суьвретшилерининъ санын кол ман санамага болады. Олардынъ аьр кайсысынынъ суьвретлеринде – ногай халкынынъ бай тарихи, шет-кырыйсыз, тоьсинде ярасык шешекейлер мен Ногай шоьлдинъ ярасыклыгы, онда оьмир бойы яшаган эм буьгуьнлерде яшав суьрген патриот аьдемлери, йигит баьтирлери эм сондай коьп баска затлар.
Ногай район администрациясынынъ кенъеслер залында район еринде коронавирус юкпалы маразынынъ яйылувын иркуьв бойынша оперативли штабынынъ кезекли йыйыны оьткерилген.
«Ногай районында коронавирус маразыннан коршаланув ман байланыста вакцинация иси уьйкен оьлшемде белсенлик пен юритиледи», – деп билдиреди Ногай районынынъ бас врачы Фаризат Межитова. Онынъ айтувы ман, 8-нши август куьнине район еринде ковид авырувыннан 4050 аьдем вакцина алдылар, больницага 600 «СпутникV» вакцинасы туьскен.
Буьгуьнлерде Альберт сол савгады оьзининъ уьйкен куллыксуьерлиги, шыдамлыгы эм усталыгы ман казанды. Оьз халкынынъ тарихине Олимпиада ойынларында чемпион атын казанып кируьви мен аьр бир ногайдынъ юрегинде, оьз ногайы уьшин оьктемликти, коьзинде суьйиниш коьзясларды тувдырды.
Дагестан Республикасынынъ Бабаюрт районынынъ Геметюбе авылына олимпиада чемпионы Альберт Батыргазиевтинъ ата-анасына конак болып Шешен Республикасынынъ ногайларынынъ миллет-маданият автономиясынынъ басшысы Альфия Кургановадынъ етекшилеви астында делегация келди. Олар Батыргазиевлердинъ суьйинишин боьлиспеге, оларды кутламага деген ниет пен йол алганлар.
Уьстимиздеги йылдынъ сары тамбыз айынынъ 10-ншы куьнинде Россия Федерациясына бокс спорт кебинде биринши эм сынъар алтын медалин аькелген олимпиада чемпионы Альберт Батыргазиев оьзининъ оьскен эм кеспили спортсмен болып кепленетаган ери – Нижневартовск каласына кайтты. Ол баска аьдемлер мен косылып самолет бортына мингенде, онынъ олар ман бирге уьйине кайтувына бек суьйиндилер эм айлак йылы кепте хош...
Быйыл 5-нши августта Япониядынъ бас каласы Токиода озып турган XXХII язгы Олимпиада ойынларында россия боксеры, ногай ясымыз, Нижневартовск кала яшавшысы (асылы ман Дагестаннынъ Бабаюрт районынынъ Геметюбе авылыннан) Альберт Батыргазиев финалда американ боксеры Дьюк Рэганды енъип, халкымыз ишиннен биринши Олимпиада чемпионы болып, алтын медальди казанды. Бу оьзгерис миллетимиз уьшин тек байрам куванышы эм оьктемлиги болып калмай,...
Табиат пан кыз балага келеекте ана болув йогары борышы берилген. Бу зат балалык шакта ок онынъ нызамында, кызыксынувларында, ойынлар сайлавында сезиледи. Ол кувыршак пан ойнайды: оны аьйдиявлап уйклатады, кишкей ойыншык бесигине салып шайкайды… Аьелде оннан кишкей балалар бар болса, олар акында каьр шегеди. Кызлар, кеде балалардан эсе, тынълавлы, шалыскыр, нызамлы болып оьседилер. Олар туьрли аьллерге...
Ногай район орталыгында 15 йылга ювык заман «Россельхозбанк» акционерлик ямагатынынъ Дагестан регионаллык филиалынынъ Терекли-Мектебтеги косымша офиси ис аьрекетин бардырады. Офис ашылганнан алып соны бир кесек йыллар авылдасымыз Мадина Муса кызы Абдулалимова басшылады. Аьлиги заманда офисти яс ердесимиз Абдурахман Ильяс увылы Койлубаев етекшилейди. Янъыларда газетамыздынъ хабаршысы оны ман йолыгысып, хабарласув оьткерген.
«Дагестан Республикасынынъ ат казанган маданият куллыкшысы», «Дагестан Республикасынынъ Халк артисти» деген сыйлы атлардынъ иеси Ногай патшалык театрынынъ талаплы артистлерининъ бириси – Оразбийке Тангатаровна Кокоева бу куьнлерде коронавируслы маразына карсы вакцинадынъ эки кезегин де оьтип, оьз ден савлыгын сакладым деген сезим мен аьрекетин бардырады.
