Уьстимиздеги йылдынъ коькек айынынъ 17-нши куьниннен алып 19-ншы куьнине дейим Дагестан Республикасынынъ Аькимбасынынъ кесек заманга куллыгын юритуьвши Сергей Меликов бир неше министрлер эм ведомстволар етекшилери мен савлай Кубыла Дагестанды айланып шыкты.
Янъыларда, коькек айынынъ 14-нде, Дагестан Республикасына ис йорыгы ман Россия Федерациясынынъ Оькиметининъ Председатели Михаил Мишустиннинъ етекшилиги мен федераллык министрлер кабинетининъ агзалары келип кеттилер.
Ерли самоуправление законына коьре, авыл поселениелерининъ администрациясынынъ борышлары айлак коьп. Авыл еринде етекши болув да тынышлардан тувыл, бир уьйкен аьелдинъ баьри маьселелерин де шешпеге керек болады. Ол байрамлар да уйгынламага эм авылына онъайлы яшавды да туьзбеге борышлы.
Ногай район орталык больницасында янъы коронавирустан вакцинация компаниясы оьтип турады деп билдиреди муниципалитеттинъ пресс-службасы. Медицина куллыкшылардынъ бригадасы район администрациясында да болдылар, администрация куллыкшыларынынъ бир нешевлери вакцина алдылар. Солардынъ ишинде – Ногай районынынъ аькимбасы Мухтарбий Кошманбет увылы Аджеков.
Дагестан Аькимбасынынъ кесек заманга куллыгын юритуьвши Сергей Меликов тувра эфир оьткереектен алдын республика районларында эм калаларында болаягы акында билдирген. Соьйтип, ол ис йорыгы ман 3 куьн узагына Кубыла Дагестанга барган.
Уьстимиздеги йылдынъ коькек айынынъ 21-нши куьнинде Россия Федерациясынынъ Президенти Владимир Владимирович Путин РФ Федераллык Йыйыны алдында оьзининъ Язбасы ман шыгып соьйледи.
WorldSkills – ол кеспи усталыгынынъ ярыслары, олар исши кеспилердинъ абырайын коьтерер ниетте озгарыладылар. Савлай дуныяда ярыслар WorldSkills International халклар ара организациясы ман уйгынланадылар, онынъ аьрекетинде 77 эл ортакшылык этеди.
Янъыларда Махачкаладагы 37-нши номерли гимназияда Дагестан Республикасынынъ Шахматлар федерациясынынъ уйгынлавы ман савлайроссиялык «Ак ладья» шатраш базласларынынъ республикалык кезеги оьтти. Белгиленген базласлар бек ийги аьдет болып калган эм элимизде 50 йылдан бери озгарыладылар.
Янъыларда Россия эм ногай саниятынынъ ийги коьрими, Россия Федерациясынынъ эм Дагестаннынъ халк артисти Асият Сулеймановна Кумратова оьзининъ 80 йыллык мерекесин белгиледи. Ол ногай халк эпосларын йырлавы ман оьз оьнерин коьрсетип эм дуныя санияты ман таныстырган аьдем болады.
Туьрк ногайлары Ногай районынынъ яшавшыларына пандемия заманында кыйналган аьеллерине ярдам этуьв мырат пан келдилер. Онынъ акында сол саваплык проектининъ уйгынлавшысы «Ногайцы» деген халклар ара фондынынъ председатели Шамиль Аджигайтаров билдирди.
