Дагестанга ис визити мен РФ ФС Федерация Советининъ председатели Валентина Матвиенко келип кетти. Бас деп ол республика властининъ ваькиллери мен Махачкалада орынласкан аьскер госпитальде болып, онынъ куллыгы ман танысты. Аьскер госпиталь оьткен йылдынъ октябрь айында ашылган. 150 орынга эсапланган аьлиги заманга келисли медициналык комплекси Каспий тенъизининъ ягасында орынластырылган эм аьскершилерге, олардынъ аьеллер ваькиллерине медициналык ярдамын этеди. Госпитальдинъ ортак майданы 27 кв. метрден артады. Комплекске 11 меканлар киреди: оларда приемный, терапевтлик, хирургия эм стоматологиялык боьликлери аьрекет этеди. Оннан баска болып, учреждениеде педиатрия боьлиги, диагностика эм физиотерапия кабинетлери бар. Госпиталь компьютерлик томограф, рентген аппаратлары, солай ок кенъ медициналык буйымларды битирмеге эп беретаган аьлиги заманга келисли баска алатлар ман яракланган. Валентина Матвиенко учреждениединъ медперсоналы эм мунда эмлев буйымлар ман пайдаланатаган СВО аьскершилери мен аьллести. Айырым эс каратылды Аталыгымыздынъ коршалавшыларын колтыклав эм этилинетаган коьмектинъ сапатлыгы ман байланыслы соравларга.