Быйыл Дагестан Республикасында 215 мынъ тонна бав-бакша оьсимликлер йыйналмага ниетленеди. Бу сан былтыргыга коьре, 30 тоннага коьп экени акында ДР авылхозяйстволык эм азыктуьлик министри Мухтарбий Аджеков билдирди. 

– Озган йыл коьплеген аьдемлерге кыйынлы болды, баалар йок эди, фермерлер шыгарган карыжларын да кайтарып алмаганлар. Быйыл баалар бар, аьруьв, фермерлердинъ куллыклары юреди, орам ман ерли яшавшылар карбызлар, кавынлар сатадылар, бав-бакша оьсимликлерин республикамыздынъ тысына да аькетедилер, – деп айтады министр.

Баьриси бав-бакша оьсимликлер 7,5 мынъ гектар ерге шашылган, аьлиги заманга 178 мынъ тоннасы йыйылган. Коьбисинше бав-бахша оьсимликлерди Ногай, Кизляр, Бабаюрт районларында оьстиредилер.