«Буьгуьн биз тагы да спорттынъ данъклы бир аьдети – Дагестан халкларынынъ спартакиадасына кайтамыз. Бу тек базласувдынъ байрамы болып калмайды, бу физический культурадынъ оьзгерисли шатлыгы болады, неге десе мундай шаралар совет йылларында республикадынъ туьрли ерлериннен юзлеген спортсменлерди йыйнайтаган болган», – деп баслады оьз соьзин ДР Оькиметининъ Председатели Абдулмуслим Абдулмуслимов, шатлыклы шарады аша келип.
Онынъ билдируьви мен, мундай спартакиада совет йылларында биринши кере 1956-ншы йылда оьткерилген. Сол шара бизим спортсменлерге РСФСР халкларынынъ спартакиадасына йол да ашкан.
Сол ийги аьдетке кайтув – республикага уьйкен данък эм суьйиниш. Дагестаннынъ туьрли ерлериннен спартакиадада катнасатаган спортсменлер араларында дослык аьллер де туьзиледилер…
Бу йолыгыста ДР Оькиметининъ Председатели Абдулмуслим Абдулмуслимов бу шарадынъ болувына куьш салган уйгынлавшыларга: тренерларга, волонтерларга эм
баскаларга оьз разылыгын билдирди