Яс аьдем. Онынъ алдында мынълаган ашык йоллар. Ол оьзи талап этсе, бу куьнлерде онынъ алдында мырсатлар да ашыладылар. Аьли соьзим бу йыл мектебти кутараятырган выпускник – Ислам Мусаев акында, ол А-Х.Джанибеков атында мектебинде 11 йыл узагында билим алган. Сол окув йыллар ишинде Исламнынъ тек ийги етимислери, туьрли шараларда ортакшылык этип, савгалы орынларга етискенлери акында эситип турдык. Бу куьн ол бизди химия окув сабагыннан Ортак патшалык сынавда 99 балл казанувы ман суьйинтти. Алдыда мен Исламга эм сондай яс аьдемлерге тек уьстинликлерди, Россиядынъ алдышы йогары окув ошакларында билим алувды йорайман.
Сиз, яс аьдемлер, бизим келеектегимиз эм ийги яшавга сеним эндируьвшилер.
Г.Курганова.
Суьвретте: Ислам Мусаев.