26-ншы апрель – Радиация баьле-казаларында ян бергенлерди эскеруьв куьни _________________
Быйылдынъ 26-ншы апрель куьнинде Чернобыль АЭС-те коркынышлы баьле-каза болганлы 32 йыл оьтти. Аьлиги дуныяда ол атом энергетика тарихинде энъ уьйкен баьле-каза болады: онынъ калдыкларын тайдырувда катнаскан аьдемлер саны бойынша да, янларын курман эткенлер бойынша да, Украинадынъ эм авылдас-эллерининъ экономикасына келтирилген зыян бойынша да. Ама онынъ зыянынынъ аян оьлшемлери тек буьгуьнлерде белгили боладылар. 1986-ншы йылдынъ 26-ншы апрелинде Чернобыль АЭС-нинъ 4-нши энергоблогынынъ атылувынынъ сырагысында тоьгерекке онлаган миллионлар зарарлы реактивли затлар тасланган.