(Басы 41-нши номерде)
Риза – ол М.Курманалиевтинъ энъ кишкей увылы, Кизляр каласында 1966-ншы йылдынъ кырк кийик айынынъ 6-сында тувган. Мундагы орта школады окып биткен сонъ, 12/93 номерли автоколоннада автослесарь болып ислеген. Бу ис кесписиннен оьзгелей, ол тракторист курсларын да окып биткен эм каладагы ПМК-да куллык эткен. Совет Аьскер сырасында эр борышын толтырган сонъ да, бу ис коллективине кайтып келген. Сол йылларда бир кесек заманга бир йолдасынынъ шакырувы ман ога Казахстанга кетип, Актау каласында да ислемеге туьскен. Болса да тувган ерининъ топырагы, Терек йылгадынъ куьн саьвлеси астында йылтыравы ога туьн сайын туьслеринде энип шыгатаган эди. Ызында ол Кизлярга кайтты. Эндигиси оьзи айтканлай, дайымга.

