Элимизде, сонынъ ишинде республикамызда эм районымызда да спорт тармагы кенъ яйылып келеди.
Куьнбатар авыл орта мектебинде окувшылар арасында спорт пан кызыксынувга уьйкен эс берилип келеди. Окувшылар район, республика бойынша ярысларда да ийги коьрсетуьвлери мен баскаланадылар. Сол затта ерли мектеб окытувшысынынъ уьлиси уьйкен.
Китап язув тыныш ислерден тувыл. Соны ман каьр шегип те булай аьдем болмайды. Меним ойыма коьре, сога аьдем йогарыдан усындырылады. Ис борышыма коьре, мага коьп ерлерде болмага, туьрли аьдемлер мен йолыгыспага туьседи. Коьп аьдемлердинъ ойларын да эситемен, бир ерлерде сол эситкенлеримнен пайдалыларын алып, тийисли ерлерде де кулланаман. Сонынъ уьшин де болар айтылганы – коьп яшаганнан сорама, коьп юргеннен сора деп. Бу ерде ол тувыл айтпага суьетаганым. Айтаягым алдыда…
30 лет назад космонавт Муса Манаров совершил свой первый полет в космос. В декабре 1987 года произошло значимое событие в истории отечественной и мировой космонавтики - стартовала первая космическая экспедиция продолжительностью в год.
Оьткен юмадынъ ызгы куьнлеринде Орта-Тоьбе авыл яшавшыларынынъ суьйинишлерининъ оьлшеми бизим шоьллигимиз кадер шет-кырыйсыз эди. Бир неше онйыллыклар караган мырадлары буьгуьн толды. Орта-Тоьбе авыл яшавшылары коьгилдим отын коьрдилер.
Сыйлы Дагестан Республикасынынъ Халк Йыйынынынъ депутатлары Мурзадин Авезов, Мурат Мамаев, «Ногайский район» МР Депутатлар Йыйынынынъ, авыл поселениелерининъ депутатлары!
Ногай шоьллигинде 86 йылдан бери баспаланып туратаган тувган тилимиздеги «Шоьл тавысы» республикалык газетасына 2018-нши йылдынъ 1-нши ярым йылына язылув шагы кутылып барады. Миллет баспа органы сол шаклы заман узагында халкымыздынъ тилин, адабиатын, бай маданиятын оьрлентуьвге, тарихин уьйренуьвге, согыс йигитлигин эм ис етимислерин таралтувга салдарлы косымын этеди. Сизинъ аьр биринъизге халкымыз оьзининъ келеектегисин сенген, сонынъ ишинде газетамыздынъ бактысы да бар. Аьр биринъиз ногай тилиндеги газетасына язылувды оьзининъ миллет борышы деп анълап, бесер газетадан язылар деп сенемиз. Республикада ногай тилинде баспаланатаган сынъар газетады колтыкларсыз деп бек сенемиз. Кайда бизим ата-бабаларымыздан калган миллет сапатымыз деп белгили болган – патриотизм сезимлеримиз. Оьзинъиз де газетага язылып, соны ман бирге аьр биринъиз оьз сайлав участокларынъыздагы сайлавшыларынъызга да газетага язылмага шакырув этерсиз деп тилек саламыз. 2018-нши йылдынъ ярым йылына газетага язылув баасы редакциядан – 200 маьнет, почта боьликлериннен – 267 маьнет 72 каьпик (индекси 51365).
«Шоьл тавысы» республикалык газетасынынъ редакциясы.
Аявлы район предпринимательлери, фермерлери, районымыздынъ учреждениелер эм организациялар етекшилери, савлай ногай халкымыз! Буьгуьнлерде ногай тилинде баспаланатаган сынъар «Шоьл тавысы» республикалык газетамызга язылув кампаниясы тамамланып туры. Болса да, бир неше организациялар, солай ок район яшавшылары, газетага аьлиге дейим язылганы йок деп айтпага боламыз. Сол зат кайбиримизди тынышсызландырады. Бизим газетамыздынъ бетлеринде мине неше йыллардан бери тек районымыздынъ яшавы тувыл, дуныяда яшайтаган баьри ногайлардынъ акында язылып турады. Редакцияга келген аьр бир аьдемнинъ биз коьнъилин таппага суьемиз, онынъ тапшырмасын толтырып, хош аламыз. Аьши не уьшин биз сондай явап оьзимизге алып болмаймыз? Ярым йылдынъ ишинде биз неше 200 маьнет те шыгарамыз, халкымыз уьшин, ана тилимизди саклар уьшин сол акшады берип болмаймыз ба?! Сондай зат бизим халкымызга келисли тувыл. Биз бу шакырувды сизге сеним мен язамыз. Республикамызда район еринде тек бизим «Шоьл тавысы» газетамыз шыгады, сога коьре ялгыз газетамызды коршалап та, ана тилимизди саклап та болайык. Тек сол заман халкымызда тил бирлик болар.
«Шоьл тавысы» республикалык газетасынынъ редакциясы.
Озган юмадынъ ишинде Ногай районына Махачкала каласыннан Сбербанк ваькиллери келдилер – патшалык региональли секторы ман ислев бойынша бас менеджери Зури Рабаданова, тоьлев сервислар бойынша менеджерлер Ахмед Бийбулатов эм Шамиль Газитиев. Йолыгыста район школага дейимги учреждениелер, организациялар эм учреждениелер етекшилери, авыл поселение басшылары катнастылар.
«Ногайский район» МО администрациясында оьткерилген аппарат йыйынын «Ногайский район» МО администрация аькимбасынынъ орынбасары Хамидулла Саитов юритти.
Махачкалада Дагестан патшалык авылхозяйстволык университетининъ негизинде озган юма I Республикалык яслардынъ коррупцияга карсы форумы озгарылды.
Бас деп оьз доклады ман ДР Оькиметининъ эм Администрациясынынъ коррупцияга карсы турув соравлары бойынша управлениединъ етекшисининъ куллыгын юритуьвши Ибрагим Ибрагимов шыкты. Ол коррупцияды республикадынъ терроризм мен тенъ маьселелерининъ бириси деп белгиледи.
2017-нши йылдынъ увыт айыннан алып, РФ Президентининъ буйрыгына коьре, Россия Федерациясынынъ Узактагы Куьнтуварды оьрлендируьв министерствосы ман «Узактагы Куьнтуварда байыр ер» деген программа беркитилген.
