Аьлиги заман бир кужыр заман болып калды. Бир-биримизге бармаймыз, баьри соравлар да телефон ман шешиледи. Бир-биримизди коьрмеге суьйсек, видеозвонок та бар. Сол да яман болмас эди, ама боладылар сондай аьдемлер, ким Интернетти оьз пайдасына кулланадылар.
3-нши декабрьде, Халклар ара сакатлар куьнинде Терекли-Мектеб авылындагы «Алмаз» банкет залында «Ногайский район» МО администрациясы эм Ногай район бойынша «Инсан» саваплык фонды ман биргелес уйгынланып «Ер маьлиеклери» проекти бойынша саваплык шара озгарылаяк.
Белгиленген шарага авыл поселениелер аькимбаслары, организациялар етекшилери, предпринимательлер, районымыздынъ 16 школасынынъ тербиялав бойынша етекшилерининъ орынбасарлары эм шара иелери – 100-ге ювык коьмек керексинген сакат балалар шакырылган. Мунда белгиленген 16 школалардан командалар ортакшылык этип, оьз оьнерлерин коьрсетееклер, сакат балаларга сыпыралар курылаяк.
Бу куьнлерде коьп аьдемлер, туьрли организациялар куллыкшылары шеттен карап турмай, ер маьлиеклерине авырувларыннан эмленмеге коьмек этуьв ниет пен, Ногай районы бойынша «Инсан» саваплык фондына акша элтейдилер. Сосы куллыклар «Инсаннынъ» етекшиси А.Атангуловтынъ куьш салувы ман барадылар. Сакат балаларга коьмек этпеге аваслыгы болган аьдемлерди «Инсан» саваплык фонды куьтеди. Йыйылган амаллар йогарыда белгиленген шара озгарылувында кулланылаяк эм сакат балаларга эмленмеге берилеек.
Н. Эрежепова.
Оьткен юма «Ногайский район» МО администрациясында «Ногайский район» МР Депутатлар Йыйынынынъ кезекли сессиясы болып озды.
Сессияда «Ногайский район» МР Депутатлар Йыйынынынъ председатели Руслан Насыров, «Ногайский район» МО администрациясынынъ аькимбасы Мухтарбий Аджеков, район депутатлары, авыл поселение аькимбаслары, ямагат организациялар эм партиялардынъ ерли боьликлерининъ ваькиллери ортакшылык эттилер.
"Аталыгым - Дагестан" проектининъ 10-ншы телеберуьви https://youtu.be/mYVVeCOgops
Ногай халкымыздынъ ваькиллери элимиздинъ туьрли муьйислеринде яшайдылар. Айтпага, ясларымыздынъ коьбиси Ханты-Мансийск областининъ Сургут каласында куллык этип, сол алыс сырт еринде яшав суьрип келедилер. Алыс якларда болса да, олардынъ аьр бирисининъ юрегининъ туьбинде оьз ногай халкы, тувган ери, онынъ бай тарихи маьнели орынды тутып келеди.
Бу йылдынъ караша айдынъ 18-нши куьнинде Сургут каласынынъ маданият орталыгында ногайлар уьшин уьйкен маьнеси болган оьзгерис уйгынланып оьтти.
Шатлыклы шара Сургут каласынынъ ногай яслар союзынынъ уйгынланганы бир йыл болганына багысланган эди. Сургут каласында мундай байрам биринши кере озгарылды. Сургут каласында эм онынъ тоьгерегинде орынласкан авылларда яшайтаган ногайлар, заман тавып, ногай халкынынъ маданияты ман, кызыклы аьдемлер эм олардынъ оьнерлери мен, туьрли ерлерден келген ногайлар ман ювык таныспага келген эдилер. Шарады миллет кийимлерин кийген кызлар, суьвретлер выставкасы, ана тилинде ятлавлар, йырлар ярасыкладылар.
Аявлы окувшылар, юмакларды шешип карайык
1. Уьй тоьбединъ басына ярты калакай тасладым.
2. Биреви соьйлейди, экеви карайды, экеви тынълайды.
3. Пеш толы боьрек,
Газетамызда билдирилгенлей, быйылдынъ 24-нши октябринде Дагестан Республикасынынъ Халк Йыйынынынъ Председателининъ куллыгын юритуьвши Хизри Шихсаидовтынъ етекшилиги мен оьткерилген кенъесте Ногай район ямагаты коьтеретаган бир неше социал-экономикалык соравлары ойласылган эди. Соны ман байланыста янъыларда ДР экономика эм территориаллык оьрленуьв министерствосы тоьмендеги явапларын берген.
Разылык____________________
Иммунный авыл орта мектебимиз тек янъыларда ябылув аьлинде эди. Мектебтинъ класс боьлмелерининъ йогары майысып, ямгыр явса, тоьбесиннен сув агатаган эди. Мектебимиз ябылаяк деген соравы да каралган эди.
