Россия Федерациясынынъ Президенти Владимир Путин: «Россиядынъ бас негизи – аьдемлердинъ эмишлиги»
Быйыл 1-нши мартта Россия Федерациясынынъ Президенти Владимир Владимирович Путин РФ Федераллык Йыйынына каратылган аьдетли Язбасы ман шыгып соьйлеген.
Президенттинъ Язбасынынъ биринши соьзлериннен алып, ол келеектегиге каратылганы анъламлы болды. Алдынгы етисилген ис сулыпка таянып, Путин элдинъ аьр бир яклы оьрленуьви акында айтты. «Биз бек уьйкен, енъил болмаган туьрленислерден оьттик, янъы эм айлак авыр экономикалык, социаллык оравлыкларды енъдик, элимиздинъ бирлигин сакладык, эркин, оьзимиздинъ байыр йолымызда демократиялык ямагат кебинде беркидик», – деп белгиледи патшалык басшысы.