Зункарь поселогынынъ школасынынъ директоры Мария Бабенкода етекшиге келисли баьри ийги касиетлер бар десек, оьтирик болмас. Ол Ставрополь каласындагы патшалык педагогикалык институтын тамамлап, Кара-Тоьбе авылында ис аьрекетин баслаган, 1987-нши йыл Зункарь поселогындагы школады етекшилейди.
Мария Сергеевна – алдынгы заманнынъ шыныккан аьдеми, ама заман ман бирге абытын алып ислеп бажарады. Нефтекум районынынъ билимлендируьв тармагын оьрлендируьвде маьнели уьлис косады. Янъы окув йылына билимлендируьв учреждениеди йыл сайын сапатлы аьзирлейди, балалардынъ язгы тыншаювын уйгынлавда белсенли катнасады. Аьр бир аьдемде тек ийгиди коьрип болады, аьр кимге оьзининъ танълыгын, ийги соьзин аямайды. Ол Ставрополь крайынынъ Билимлендируьв министерствосыннан Сый грамота ман, «Халк ярыкландырувынынъ алдышысы» белгиси мен, солай ок коьплеген Сый грамоталар ман савгаланган.
Э. Исмаилова, Зункарь поселогынынъ окытувшысы.
Суьвретте: М.Бабенко.