Аьел аьдемнинъ яшавында сыйлы эм маьнели орынды алады. Сол шакырув астында Россия Федерациясынынъ Конституциясына туьрленислер киритуьв бойынша оьз тавысын Орта-Тоьбе авыл орта мектебининъ директоры Сапият Бекмурза кызы Межитова берди.

— Биз савлай элимиз бен оьз тавысларымызды элимиздинъ онъайлыгы уьшин беремиз бу куьнлерде. Мага боьтен де 67.4 статьясы ярайды, мунда аьел баалыкларга, балаларга сый этуьвге уьйкен маьне бериледи. Бу статьяда булай язылады: «Балалар Россиядынъ патшалык политикасынынъ маьнели кесеги боладылар. Патшалык саьбийлердинъ анъ, акыл, эдап якларын оьрлендируьв, оларды ясуьйкенлерге сый этуьв, патриотизм негизинде тербиялав ниет пен баьри амалларды да коьреди». Мен окытувшы болганыма коьре, сол статьяды коьтергишлеймен эм оьз тавысымды беремен, — деп айтады сулыплы окытувшы.

Ногай районынынъ Орта-Тоьбе эм Уьйсалган авыллары Дагестан Республикасынынъ энъ де сырт япсары деп белгиленеди. Мунда белгили ногай шаири Гамзат Аджигельдиев эм ДР Халк йыйынынынъ бир неше шакырувларынынъ депутаты Мурзадин Авезов тувганлар.