Янъыларда «Ногайский
район» МР аькимбасы
Джамалутдин Эсиргепов,
Ногай район Депутатлар
йыйынынынъ председатели Алибек Менласанов эм
муниципалитеттинъ Ямагат палатасынынъ председатели Эльмурза Саитов конъысы Хасавюрт районында ис визити мен болдылар. Бизим делегация
Хасавюрт районынынъ
аькимбасы Багаутдин Мамаев пен йолыгысты.
Эки конъысы районлардынъ аькимбаслары биргелес ислевдинъ соравларын ойластылар. Айырым эс
гуманитарлык юкти еткеруьвге берилди. Ногай районыннан келген делегациясы Хасавюрт районынынъ яшавшыларына келеекте де коьмек этпеге аьзирлигин айтты.
Багаутдин Мамаев
Ногай районыннан келген ис йолдасларына кыйынлы заманда табылганына, заманында этилинген ярдамга савбол айтып, бир ниетте ислемеге аьзир экенин билдирди. Онынъ айтувы ман, районлар ара ийги конъысы эм ис катнаслары яшавшылардынъ
кызыксынувларын толтырувда кыйынлы борышларды шешпеге амаллар береди.
Йолыгыстынъ тамамында район аькимбаслары дайымлык байланысты тутпага, керекли билдируьвлер мен заманында боьлиспеге, яшавшыларга коь-
мек керексе, баьри амалларды тутып, биргелесип ислемеге токтастылар.

З.Ваисова.