Дагестан коьп эркли эм тийисли аьдемлер оьстирген. Мунда
анадынъ суьти мен эр балалар-
дынъ канына тувган ерге эм Аталыкка суьйим синъеди. Бу ерде кишкей заманнан алып, йолдасты куткарувдынъ, куьшсизди коршалавдынъ шынты баасын биледилер. Сондай аьдемлерге Эли уьшин явга карсы турув – борыш эм сый. Бу куьнлерде мынълаган дагестанлылар согыс спецоперация барысында
уллы Россиядынъ баска халкла-
рынынъ ваькиллери мен бирге элимиздинъ кызыксынувларын коршалайдылар. Оьзининъ
атын алтын арыплар ман тувган
авылынынъ, республикамыздынъ эм элимиздинъ тарихине
киргизген дагестанлылар сыра-
сында бизим ердесимиз Арслан
Искаков та бар.
Арслан Искаков Ленинаулда тувган. Онынъ балалыгы кыста – сувык, язда – исси еллер эскен, язлыкта болса табият яйнап, кызыл боьригоьзлер тоьгеректи бийлеген Ногай шоьлде озган. Арслан мектебте окыган йыллардан алып оьзининъ тенълериннен тувралыгы
ман, дайым да коьмекке эм кор-
шалавга аьзирлиги мен баска-
ланган. Дерислерде ол согыс
ветеран-ердеслеримиз акын-
да оьктемлик пен хабарлаган,
олардай болып элимизге пайда-
лы болмага мырат этетаганын
ясырмаган. Белки, сол балалы-
гындагы мырады ога келеекте
байырлаяк кесписин сайлама-
га себеплик эткен болар. Арс-
лан Рашидханович Махачкала-
дагы Дагестан халк хозяйство-
сынынъ институтында окыган. Аьскер борышын Невинномысск каласында темир йол
аьскерлеринде толтырган. Кыз-
мет кылувын кутарып, уьйине
кайтып, ол контракт беркитеди
эм Терекли-Мектеб авылында
орынласкан аьскер боьлигинде
куллык этеди. Аьскер боьлигин-
де ислеген йыллар ол тек техни-
ка эм савытлар кулланып тувыл,
кыйын аьллерде эм биргелесип
ислеп уьйренеди. Сол касиетлер
бу куьнлерде согыс спецопера-
ция барысында бек керекли…
2022-нши йылдынъ увыт
айына коьшейик. Сол куьнлер-
де борышлар толтырмага йибе-
рилген йигитлер СВО баслан-
ганы акында баслап билмеген-
лер, ама олар онынъ тынысын
эситкенлер, тыныш болмаган
заманлар айлак ювык экенин
сезгенлер. Сол энъ де биринши-
лер сырасында ногай яс Арслан
Искаков та болган. Согыс спец-
операциясынынъ биринши куь-
нлеринде ол Луганск области-
нинъ япсарында болган.
Бу куьнлерде Арслан Рашид-
ханович оператор куллыгын
бардырады. Ол оьзининъ йол-
даслары ман, биз баьримиз де
рахатлы уйкласын деп, кеше-
куьндизи мен дежурство юри-
теди. Бу йигитлер Россиядынъ
ишине карап йиберилген дрон-
ларды анъшылайдылар. Олар
– бизим элимиздеги энергети-
калык, йол-юрис, социаллык
инфраструктурага карап, зыян
келтирер уьшин, бараяткан украин дронларынынъ йолындагы энъ де биринши буршав беруьвшилер. Душпан уьшин бир киели зат та калмаган, бир де болмаган десек те, дурыс болар.
Янъыларда савлай дуныя Ста-
робельсктеги колледжге украин
дронлары етуьвининъ сырагысы
бойынша яс яшавлар уьзилгени-
не шайыт болды. Бу йигитлер-
динъ кеше-куьндизи мен ислеви
аркалы сондай не шаклы баьле-
казадан биз аман каламыз. Кай-
гадер яшавлар, меканлар кутка-
радылар бу йигитлер.
Не шаклы душпаннынъ
дронларын йок эттинъиз деген
соравга Арслан булай явап бер-
ди: «Бир де санамаймыз, ол
маьнели тувыл, тек элимиздинъ
ишине карап явдынъ дронлары кетпесе экен – сол бизим
борыш. Ким йок этти деген
сорав да турмайды. Оператор-
лар коьп, кайсы якта да олар
ислейдилер, бизим баьримизди
де бир мырад биргелестиреди».
Бу соьзлердинъ артында
усталык, оьзин юритип эм кый-
ын аьллерде тез карарлар алып
болув турады. Арслан Искаков-
тынъ коьрсеткен йигитликлери
уьшин «За воинскую доблесть»
2-нши дережели медали тапшы-
рылган. Сонынъ акында айта-
ятып, ердесимиз оьз хабарын
тылга коьширеди.
«Шынты баьтирлер – ол
бизим аналар, хатынлар эм балалар. Олар уьйде бизди куьтедилер, суьедилер эм биз акында каьр шегедилер. Соны ман бизге куьш бередилер,» – деп боьлиседи ердесимиз.
Бу куьнлерде аьр бирев согыс спецоперация тамамланувы, неонацизмди енъуьв акында мырат этеди. Аналар,
хатынлар эм балалар оьз увыл-
ларынынъ, ян йолдасларынынъ,
аталарынынъ аман-эсен кайт-
канын коьрсинлер. А бизим
йигерли операторлар оьз уста-
лыгын тынышлы яшавда куллансынлар.
Нурият Кожаева.
Суьвретте: А.Искаков.