Ораза-байрам мусылманлардынъ эки бас байрамларынынъ бириси болады. Сол куьн савлай дуныя мусылманлары ман бирге ногайлар да кенъ этип байрамшылайдылар, суьйинедилер, бир-бириси мен атшабыста, куьресуьвлерде сынасадылар. Бу ярыслар коьшпели халклардынъ маданияты ман тар байланыслы.
Быйыл коькек айынынъ 23-нши куьнинде 10 саьат 30 такыйкада Дагестан Республикасынынъ Ногай районынынъ Куьнбатар авылында атшабыс озгарылаяк. Шарады «Казыят» фонды эм Куьнбатар авыл администрациясы уйгынлаган. Атшабыста 9 ювырув болаяк, енъуьвшилерге баргылар берилеек. Бу шарадынъ спонсорлары – Дагестан Республикасынынъ Авыл хозяйство эм азык-туьлик промышленностининъ министри М.Аджеков, «Казыят» саваплык фонды, авыл администрациясы, «Ногайский район» МР администрациясынынъ аькимбасы Д.Эсиргепов, Куьнбатар авыл атлар клубы.
Бизим хабаршы