Дагестан етекшиси Сергей Меликов республикамыздынъ власть органлар етекшилери мен кенъес озгарды эм курал (май) айында толтырылмага керек борышларды белгиледи.
Бас приоритетлердинъ арасында – Уллы Енъуьвдинъ 80 йыллыгын байрамшылав, патриотлык акциялар, ветеранларды кутлав. Бу баьри шаралар белгиленген план бойынша тийисли аьлде болып оздылар. Оннан баска болып, бу айга регионнынъ йол тармагынынъ оьрленуьв аьллеринде маьнели оьзгерислер, Савлайроссиялык койлар эм эшкилер выставкасы, спорт тармагында шаралар, СВО катнасувшылары эм олардынъ аьеллери мен йолыгысувлар эм баска маьнели шаралар озгарылувы планланган. Дагестан уьшин айдынъ маьнели политикалык оьзгериси эсабында яй шагы алдында республика етекшисининъ ДР Халк Йыйынына каратылган Шакырувы болаяк.
Курал айында Сергей Меликов гражданлар ман йолыгысувлардынъ туьрли кеплерин бардырмага планлайды, сонынъ ишинде гражданларды байыр аьлде кабыл этуьв, федераллык эм шет эллер баспалар журналистлер мен де йолыгыслар оьтеек.
Тамамлаяк курал айын «Доблесть гор» ямагат советининъ кенъеси эм СВО катнасувшыларына ярдам этететаган ямагат организациялары ман йолыгыслар.