Согыс спецоперациясынынъ
катнасувшыларынынъ аьеллерин социаллык ягыннан колтыклав шараларды яшавга шыгарув ниетте Ногай районынынъ яшавшыларын социаллык яктан канагатлав
комплексли орталыгы (КЦСОН)
иркуьвсиз куллык юритеди. Буь-
гуьнлерде Орталыктынъ куллыкшылары СВО катнасувшыларынынъ аьеллерине дайым да эс
берилсин эм олар акында каьр
шегилсин деп ислейдилер. Баьриси район еринде СВО катнасувшыларынынъ аьеллерининъ саны 637 аьдем деп эсапланады.
Орталыктынъ специалистлери
иркуьвсиз аьлде согыстан уьйлерине кайткан СВО катнасувшылары эм олардынъ аьеллери мен социаллык контракт негизинде патшалык социаллык коьмегин
алувдынъ йорыклары акында анълатув исин юритедилер. Соннан баскалай, КЦСОН куллыкшылары оларга тийисли документлерди аьзирлемеге де ярдам этедилер. Баьриси район еринде аьлиги заманда согыстан кайткан 19 СВО
катнасувшылары бар деп саналады. Олардынъ бесеви оьз алдына байыр исин оьрлентуьв уьшин коьмек алганлар, алты аьдем сондай ярдамды алмага ниетленген.
Соны ман бирге специалистлер
согыстан кайткан аьскершилер-
ге СФР реабилитация орталыкларында санатория-курорт эмленуьвин алмага амаллары бар экени акында билдиредилер. Буьгуьнлерге согыстан кайткан 4 СВО
катнасувшылары реабилитация-
ды оьткенлер.
Согыс спецоперациясынынъ
барысында ян берген аьскерши-
лердинъ аьеллерине бир кере
берилетаган акша тоьлевди алувга айырым маьне бериледи. КЦСОН специалистлери солай ок «Баьримиз бирге» деп аталган ДРСФ уьшин документлерди йыюв,
аьзирлев эм ыхтыярлар ягыннан
солардынъ юрисин канагатлав
бойынша аьрекет этедилер. Эсап беруьв куьнине УСЗН-ге тоьлевлерди белгилев уьшин документлердинъ 25 йыйынтыгы йиберилген.
Район еринде аьлиги заманда
бизим специалистлеримиз СВО
катнасувшыларынынъ 68 аьел-
лерин канагатлайдылар. 2025-
нши йылдан алып аьскершилер-
динъ аьеллерининъ аьдемлерине 10 199 коьмек этилинген, сонынъ эсабында – социал-уьйшилик, социал-медициналык, социал-
психологиялык эм с.б. Ногай районынынъ яшавшыларын социаллык яктан коршалав фонды ман тар ис байланысын тутув аркасы ман КЦСОН куллыкшылары 25 аьелге азык-туьлик эм акшалай тоьлевлер берилуьвге ярдамын эткенлер.
Туватаган маьселелерди эм
канагатлав пайдасын арттырувды аьрекетли аьлде шешуьв уьшин социаллык технологиялары кулланыладылар. Айтпага, «Социаллык куллыкшыларынынъ бригадасы» СВО катнасувшыларынынъ аналарынынъ турак уьйлеринде тазалык эм яшавга онъайлы аьллерди тутув ниет пен дайым да генераллык тазалав ислерин оьткередилер. Сондай технология ман 39 аьеллерди аьжетсизлеймиз.
Специалистлер-кураторлар
авыл поселение ерлерине заманы ман катнайдылар. Ол зат адресли кенъес этуьвди оьткермеге, аьеллердинъ керексинуьвлерин билмеге эм волонтерларды катнастырув йорыгы ман уьйшилик ярда-
мын этпеге амал береди.
Х.Саитов.
«Ногайский район МО КЦСОН директоры.