Янъыларда Кизляр районыннан Запорожский областине согыс спецоперация юрген ерде службасын оьтетаган аьскершилеримизге 20 тонна ишетаган сув ман бутылкалардан тизилген бек керекли гуманитарлык ярдамы йиберилди. Сондай исти уйгынлавда эм оны яшавга шыгарувда Кизляр район аькимбасы Аким Микиров, «Кизлярагрокомплекс» АО-сынынъ бас етекшиси Магомед Тукуев, район йыйынынынъ депутаты Виктор Руднев, Дагестан Республикасынынъ СВО ветеранлар Союзынынъ ваькили, меценат Абас Кебедов, Дагестан Республикасында «Бессмертный полк» козгалысынынъ етекшиси Эльдар Кадиев эм муниципалитет яшавшылары белсенли ортакшылык эттилер. Аьскершилер уьшин гуманитарлык югин, 2023-нши йылдан алып, согыс спецоперация юрген ерде оьз эрки мен службасын бардыратаган Александрийский авыл советининъ аькимбасы Микаил Гунашев уйгынлайды. Район яшавшылары ягыннан аьскершилерге этилген бу гуманитарлык ярдамы уьйкен кезекли коьтергишлев болаягына соьз йок.