Балалар – бизим келеектегимиз, оларга тийисли эс этуьв – ясуьйкенлердинъ борышы. Боьтен де ден савлыкларында етиспевлик болган аьдемлерге, кайсы заманда да этилген эс эш болмайды.
Янъыларда Махачкала каласындагы Алибеков атындагы больницадынъ балалар боьлигинде белгили, Дагестаннынъ халк шаир, публицист Анварбек Култаев конакта болып, сонда эмлев алатаган балалардынъ коьнъиллерин коьтерди. Ол саьбийлерге ногай, орыс тиллеринде ятлавлар окыды, оьзининъ яратувшылык йолы акында кызыклы хабарлады.
Балалар болса, оьзлерининъ соравларын шаирге бердилер эм яшав сулыбы коьп болган ясуьйкеннен толы яваплар да алдылар. Эмлев учреждениесининъ куллыкшысы Г.Алигасанова мундагы баьри куллыкшылар, эмлев алып турган балалар атыннан келген конакка разылыгын билдирип, ога келеекте ден савлыкты эм яшав рахатлыгын йорады.
З.Шугаипова, «Лашын» журналынынъ киши редакторы.