Ийги сулып
Дагестан аькимбасы Федор Щукин СВО катнасувшылар эм олардынъ аьел агзаларын колтыклавдынъ Москвадагы орталыгында болып, онынъ етекшиси Дарья Старовойтовадынъ аркасы ман учреждениединъ куллыгы ман танысты. Мунда СВО катнасувшылары эм олардынъ ювыклары социаллык, медициналык, психологиялык эм юридический коьмегин аладылар. Ф.Щукин белгилегенлей, мундагы ак ниетли сулыпты кулланмага болады Махачкалада Ветеранлар уьйининъ ашылувында. «Ол СВО катнасувшылары эм олардынъ аьеллер агзалары заманында керекли коьмекти алмага эм тувган соравларды шешпеге болатаган ери болмага тийисли» – деди ол. Ол солай ок орталык куллыкшыларына бу йолыгыс уьшин эм мунда бек маьнели куллык юритилетаганы уьшин разылыгын билдирди. «Бизим коршалавшыларды эм олардынъ аьеллерин яклав – приоритетли борышлар ишинде болмага керек, – деди Ф.Щукин.