<<Баьтир ана деген энъ сыйлы
коькирек белгилерининъ бириси
– савгады омыравында оьктемли юриткенлердинъ саны ногай халкымызда аз тувыл.
Янъыларда Россия Федераци-
ясынынъ Президенти Владимир
Путин Карашай-Шеркеш Респу-
бликасынынъ Ногай районынынъ Икон-Халк авылынынъ яшавшысы Рая Баисовага «Баьтир ана»
деген сыйлы йогары аты бери-
луьви акында Указына кол басты.
Раиса Амербиевна эри мен йырма йыллар тил-бирликте яшап келдилер. Яслайын ян косагы дуныядан кешип, коьп балалы аьелининъ ата-аналык югин ол оьзи ялгыз ийинлерине артып, он да аьвлетлерин канатынынъ астына салып, бавырлап оьстирди. Эри
дуныядан кешкенде, аьвлетлерининъ энъ кишкейине тек уьш яс эди.
Элимиздинъ етекшисининъ
шыгарган Указы Баисовлардынъ
уьйкен татым аьелининъ тарихи
эм сол кыскаяклыдынъ ана йигитлигин коьрсетуьви мен таныс болганлардынъ ойын аян беркитти.
Раиса Баисова он аьвлетлерин,
айтпага, бес увылларын эм бес
кызларын тербиялап, аяк уьсти-
не салып, янъы яшав йолына онълаган. Яшавдагы кыйынлыклардан коркпай, баьри аьвлетлерине
де билим берип, тувган ерин, ана тилин, ата-ана тамырлары ман таныстырып, оларга саьбийлерининъ юреклеринде орын таптырып, суьйдирип, нызамлы, тербиялы этип оьстирди. Аьр кайсы
аьвлетин де тек баьри керекли зат пан да канагатлап калмай, олардынъ акында каьр шегип, балдан таьтли балаларыннан юрегиндеги йылувлыгын, уьйкен суьйимин аямай савкатлап келди.
Раиса Амербиевнадынъ ян
куватлыгы, терен акылбалыгы
тоьгеректегилерге де коьримли
уьлги болып келеди.
Буьгуьнлерде баьтир-анадынъ
аявлап тербиялаган эки увылла-
ры, патшалыгымыздынъ кызык-
сынувларын яклап, согыс спецоперация юрген ерде элин неонацистлерден йигитлерше коршалап келедилер. Олардынъ коьрсеткен йигитликлери «За заслуги перед Отечеством», «За отвагу» эм сондай баска коьплеген патшалык савгалары ман белгиленгенлер. Анасынынъ берген тербиясы,
эткен кыйыны аркалы элин кор-
шалавшы йигит эр киси эм шын-
ты патриоты тербияланып оьсти.
Буьгуьнлерде онынъ аьвлет-
лери, аналары оларга оьз юрегининъ кесегин савкатлап, аьелде йыллар бойы сыйлык эм куллыксуьерлик аьлин туьзип келгенин юреклеринде уьйкен разылык эм йылувлык пан эслерине туьсиредилер.
Буьгуьнлерде олардынъ татым
эм дайым бир-бирлерин коьтер-
гишлеп, тирев болып келуьвинде аналарынынъ уьлиси уьйкен.
Раиса Амербиевна Баисо-
ва оьзининъ етпис йыллык мерекесин тезден хош алмага мыратланады. Он аьвлетлерине ол – суьйикли ана, он доьрт уныкларына – аьзиз тетей эм эней де болады. Тезден онынъ мерекесине аьвлетлерининъ аьр кайсысы оьз аьеллери мен туьрли зияпетли сыпыра тоьгерегинде йыйылып,
янларына якын эм аьзиз аьдемин кутламага келееклер.
Биз де сыйлы баьтир-ана Рая
Амербиевнады йогары савгасы
эм ювыклап келеятырган мере-
кеси мен кутлап, аьел онъайлы-
гын, наьсибин, тынышлыкты эм
уныклары дайым оьз етимислери мен оны куьезлендирип келгенин
йораймыз.
Сол татым аьел тандырынынъ
оты бир де соьнмей, таьвесилмес наьсипке, нурга, йылувлыкка, ийгиликке мол болсын.

Г.Нурдинова.

Суьвретте: Биасовлардынъ аьели.