РФ Президентининъ Администрация етекшисининъ биринши орынбасары Сергей Кириенко эм Дагестан Аькимбасынынъ куллыгын кесек заманга юритуьвши Федор Щукин «Доблесть гор» республикалык программасынынъ выпускниклерине дипломлар эм эстеликли саьатлер тапшырдылар. Проект 35 СВО ветеранларына патшалык эм муниципаллык управление тармагында куллык этуьв уьшин кайтадан аьзирлик коьруьвге эп берди. Ветеранлар ман йыл узагында сулыплы йолландырувшылар, власть органлар етекшилери, федераллык экспертлер куллык эттилер. Программа катнасувшыларынынъ алган сулыбы эм ис бажарымлыгы патшалык структураларда керекти: олардынъ коьплери ДР Аькимбасынынъ эм Оькиметининъ Администрациясында, ДР Халк Йыйынынынъ аппаратында, кайбир министерстволарда, республикадынъ калалар эм районлар администрацияларында куллыкка ерлестирилдилер. Программа катнасувшыларына каратып, коьп йылы соьзлер айтты Сергей Кириенко. А Федор Щукин Дагестан «Время героев»» федераллык программага усаслы «Доблесть гор» деген байыр регионаллык программасын яшавга шыгарып баслаганын эм сол яктан республикамыз РФ-нынъ сондай субъектлерининъ бириншилер сырасында экенин белгиледи.