Уьстимиздеги йылдынъ тамбыз айынынъ басында Дагестаннынъ Кизляр районынынъ, Кизляр эм
Южно-Сухокумск калалар бойынша аьскер комиссары Рамазан Курамагомедов Кизляр районынынъ аькимбасы Аким Микировка (суьвретте) генерал-майоры 47-нши танковый дивизия командири Азер Рамазановтан Разылык хатын тапшырды. Хатта СВО юрген ерде согыс борышларын толтыратаган личный составына эткен ярдамы уьшин уьйкен разылык билдирилген эди. Онда булай деп язылган:
– Сизинъ ян авырып каравынъыз, ийгиге сенимлигинъиз эм ярдамласпага суьювинъиз уьйкен сыйга тийисли. Сизге гражданлык белсенлигинъиз уьшин уьйкен савбол айтамыз.
Согыс спецоперациядынъ басыннан алып Кизляр районы гуманитарлык югин йыювда эм оны йиберуьвде белсенли катнасып келеди. Район аькимбасы Аким Микировтынъ белгилевине коьре, согыс урыслары юрген ерде туратаган тынышлы яшавшыларын эм аьскершилеримизди коьтергишлев – ол ортак мырады уьшин бирлескен яны авырыган яшавшылары, предпринимательлери эм волонтерларынынъ ярдамы ман озгарылады.