Бу куьнлерде Санкт-Петербург каласында Халклар ара экономикалык форум (ПМЭФ) оьткериледи. Онынъ иси уьстимиздеги айдынъ 18-нши-21-нши куьнлеринде бардырылаяк.
Бу маьнели шарада Дагестан Республикасы да ортакшылык этеди. Республика делегациясын Дагестан етекшиси Сергей Меликов басшылайды.
ПМЭФ майданларында Сергей Меликов бир неше йолыгыслар (сонынъ ишинде газ бан канагатлав эм цифровизация соравлары бойынша) озгараяк.
Россиядынъ кайбир регионлары ман савда-экономикалык, илми-техникалык эм маданият биргелес аьрекет этуьв акында келисуьвлер беркитилеек. Халклар ара катнасларга, промышленностьтинъ, маданияттынъ эм спорттынъ оьрленуьвине эс каратылаяк.
Регион етекшиси форумнынъ бас оьзгериси «Общие ценности – основа роста в многополярном мире» деп аталган пленарлык кенъесинде ортакшылык этеек эм коьлемлик информацияларынынъ бас федераллык амалларына интервью береек.
Эске салайык, ПМЭФ – дуныя бойынша оьтетаган энъ уьйкен оьлшемли эм маьнели оьзгерислердинъ бириси. Ол 1997-нши йылдан баслап аьр йыл сайын озгарылады. 2006-ншы йылдан алып форум Россия Федерация Президентининъ басшылавы астында эм катнасувы ман оьтеди.
«Россия 1» телеканалынынъ эфиринде «Москва. Кремль. Путин» программасында билдирилгенлей, Владимир Путин быйыл да бу форумда ортакшылык этеек.