Нефтекум муниципаллык округы бойынша оьз ыхтыяры ман туьзилген куьплерининъ волонтерлык козгалысы Ставрополь крайынынъ патшалык эм дин органлары бойынша сыйга тийисли болып, коьтергишленип келеди. Ставрополь крайынынъ муфтийининъ биринши орынбасары Файзурахман хаджи Эсеновтынъ эм Бейсей авыл имамы Хасанби хаджи Эшеевтинъ баславы ман Ставрополь крайынынъ мусылманлар дин управлениесининъ муфтийи Мухаммад хаджи Рахимовтынъ етекшилеви астында Пятигорск кала Собор межигитинде дин аьрекетшилери Коясыл авылыннан «Бирлик-Единство», «Своих
не бросаем», Тукуй-Мектеб авылыннан «Никто, кроме нас», МахмудМектебтен «Мы за Победу», КараТоьбе авылыннан «Народ и армия едины», Новкус-Артезиан авылыннан «Своих не бросаем» деген кыскаяклылардан туьзилген волонтерлык куьплерининъ ваькиллери мен йылы йолыгыс озгардылар.
Нефтекум округы бойынша волонтер-кыскаяклыларына Разылык хатлары тапшырылувы – йолыгыстынъ энъ маьнели кесеги эди. Шарадынъ сонъында волонтеркыскаяклылары уьшин Собор межигитинде экскурсия да угынланды. Соьйтип шара йогары эм кызыклы аьлде озды.
Суьвретте: волонтер кыскаяклыларга Разылык хатлары тапшырылганнан сонъ.