Янъыларда Усинск каласында спорттынъ самбо кеби айырым республика бойынша турнири озды. Базласувлар, айтпага, эки белгили куьнлерине – Аталыкты
саклавшысынынъ куьнине эм согыс спецоперацияда ортакшылык этетаган йигитлеримиздинъ эстелигине багысланган эди.

«Единая Россия» партиясы ман коьтергишленген турнир, тек ярык спорт оьзгериси болып калмай, аьскершилеримиздинъ йигитликлерине сый этуьв эм оьсип келеятырган несилине ийги коьрим болды. Савлай республикадан яс спортсменлер куьресте оьз
куьшлери мен сынастылар, олардынъ аьр кайсысынынъ да казанган савгаларын шынты баьтирлери – согыс спецоперация катнасувшыларынынъ колларыннан алмага амаллары болдылар.
Турнирди йогары аьлде уйгынлавшылар эм уьйкен усталыгын коьрсетип куьрескенлер разылыкка тийисли этилиндилер.
Республика бойынша турнирде 46 килограмм шеккиси мен балалар арасында ердесимиз, яс спортсмен Ильдар Эсполов енъуьвши болып шыкты. Биз самбо бойынша усталыгын оьстирип келетаган яс турнир катнасувшымыз Ильдар Эсполовты бийик енъуьви мен кутлап, алдыда ога бийик етимислерин,
окувда тек ийги белгилерине окыганын сагынамыз. Айтып озайык, «Россия спорты» патшалык программасы гражданлардынъ яшавын ийгилендируьвине эм коьлемлик спорттынъ оьрленуьвине оьз демевлигин этип келеди.
Г.Нурдинова.
Суьвретте: шарадан сонъ.