Озган юмадынъ ызында Дагестан Республикасынынъ Аькимбасы Федор Щукин Россия Федерациясынынъ Федераллык Йыйынынынъ Госдумасынынъ республикамызды коьрсеткен депутатлары ман йолыгысты. Йолыгыс барысында регион басшысы федераллык законодательли органында Дагестаннынъ кызыксынувларын яркын, талаплы, сыйлы эм сулыплы аьдемлер яклайтаганын белгиледи. Олардынь биревлери буьгуьнлерде оьз проектлери мен шыгып соьйледилер. Тез арада олар каралаяк, солай ок яшавга шыгарылув ислери белгиленеек. Айырым эс йолыгыста Россия Президентинде Дагестан Республикасынынъ дайымлы ваькиллигининъ куллыгына берилди. Федор Щукиннинъ айтувы ман, бу ваькиллик биргелес аьрекетке ашык майдан болмага керек. Государстволык Думасынынъ депутатлары сайлавшылар ман мунда йолыгыслар озгармага боладылар. Дагестан Республикасынынъ етекшиси парламентарийлерди патшалык власть органларынынъ ягыннан оларга баьри коьмек те этилинер деп сендирди. – Парламентарийлер аянлаган маьселелердинъ шешилуьвин тергеп турарман. Баьримизде де бир борыш – Дагестаннынъ оьрленуьви. Госдумадынъ депутатлары республикамызды федераллык дережеде коьрсетедилер, эм олардынъ исиннен республикамыздынъ тавысы Москвада кайтип эситилинетаганы билинеди. Мен шекленмеймен: олар халктынъ сенимин акларлар, – деди Федор Щукин. 

Бизим хабаршы.