Дагестан Аькимбасы Федор Щукин Россия Президентининъ климат эм сув ресурслары бойынша коьмекшиси Руслан Эдельгериев пен йолыгыс озгарды. Олар Каспий тенъизининъ экотармагынынъ аьлин эм оны кебине келтируьв амалларын ойластылар. Айырым эс Каспий акваториясына Махачкала, Каспийск, Избербаш, Дербент эм Дагестанские Огни калаларыннан келетаган кир сувлардынъ маьселесине караттылар. Федор Щукиннинъ айтувы ман, тазалайтаган курылыслардынъ яртысы ислемейдилер яде тазалавдынъ керекли дережесин канагатламайдылар. Сога коьре бас борыш деп бу куьнлерде янъы объектлердинъ курылысы эм оларды ислетуьви саналады. Регион басшысы Дагестан Оькиметине Росприроднадзорга сувлардынъ законга карсы келуьви, сув саклав ерлерде калдыклардынъ калдырувы, ягалардынъ япсарларында курылыслары акында материаллар беруьвин аьжетсизлевди тапшырды. Онынъ айтувы ман, табиат саклав законодательстводы бузувлардынъ йолын кеспеге, куьналилерди – яваплыкка тартпага керекли. Солай ок Федор Щукин федераллык орталыгын эм Руслан Эдельгериевти Дагестаннынъ табиат саклав проектлерин коьтергишлегени эм регионнынъ экологиялык маьселелерине эс эткени уьшин савбол айтты. 

Бизим хабаршы.