Дагестан Республикасы бойынша Иш ислер министерствосына Госавтоинспекция боьликлери уьшин кулланувга янъы техника берилди: 12 «Лада Веста» автомобильлер, 5 патруль мотоцикллер эм 10 шумомерлер. – Госавтоинспекцияды коьлик ягыннан янъыртувга быйыл республикалык бюджетиннен амаллар биринши кере шыгарылган. Армаганда да боьликлерди колтыклап тураякпыз, неге десе коьбисинше олардынъ иси мен байланыслы бизим гражданлардынъ кавыфсызлыгы. Дагестан оьрленеди, йоллар курылады эм туьзетиледи, йолларда коьлик юриси оьседи. Ама соны ман бирге бизге бас эс каратпага керек республика йоллары ман пайдаланатаган мынълаган ердеслеримизге. Бизим ортак борыш – йоллар баьле-казаларын болдыртпас, а аьдемлер яшавларын коршалав уьшин колдан келген баьри затты этуьв. Буьгуьн биз оьз ис борышларын толтырувда янларын курман эткен иш ислер куллыкшыларын эслеймиз. Бу аьдемлер сонъына дейим ис борышына алаллыгы ман оьз йолдасларын эм ердеслерин коршалаганлар. Биз саклаймыз эсимизде олардынъ йигитлигин. ДР бойынша МВД куллыкшыларына намысы ман оьз борышларын толтыратаганы уьшин разылыгымды билдиремен. Кеспи байрамы ман баьринъизди де тагы да кутлайман. Берк ден савлык, онъайлык эм уьстинликлер йорайман, – деди республика етекшиси Федор Щукин.