«102» номерли телефон – тек уьш сан. Кыянатлык яде бир кыйынлы аьлди коьрсек, сол номерли телефонга тел согамыз. Сол зат артында мынълаган бактылар, кыйынлыктан куткарылган яшав оьмирлер эм коьплеген тарихлер… Полиция куллыкшысы – сондай кеспи, оны аьдем кыйын акы эм данъкы уьшин сайламайды, бу кеспи юрек пен сайланады. Неге десе кыйынлыкка туьскен аьдемнинъ бактысы бузылувга кол коьмегинъди этпей карап турув дурыс та, аьдемликке келисли зат та тувыл. Биз билемиз: полиция куллыкшысынынъ аьрекети тыныш тувыл, арув да бар, аьдилсизлик болган ерлер де боладылар. Ама иш ислер органларында «борыш», «намыс» эм «закон» деген тек бос соьзлер болып калмайтаган аьдемлер куллык этетаган болса, биз рахатлыкта яшамага амаллымыз. 

Г.Сагиндикова. Суьвретте: Ногай РОВД куллыкшылары.