Янъыларда Кизляр районынынъ аькимбасы Аким Микировтынъ атына ердесимиз – СВО катнасувшысы Сергей Дяйкин кызмет эткен «Восток» ГРВ 68-нши аьскер корпусынынъ етекшилеви атыннан Разылык хаты келди. Онда Кизляр районынынъ Александрия авыл яшавшысы оьз аьскер борышын уьлгили толтыратаганы акында айтылады: – СВО еринде С.Дяйкин оьзин коркынышсыз, йигерли аьскерши этип коьрсетеди. Эл алдында аьскершилик борышын намысы ман толты-
рады.
Сергей Дяйкин, СВО юрген ерге 2022-нши йылдынъ кырк кийик айында мобилизация бойынша шакырылса да, ден савлыгы бойынша уьйине кайтарылган. Элининъ шынты патриоты болган аьскерши оьз эрки мен контрактка кол басып, СВО ерине йолланган. Службады оьтуьвде Сергей туьрли Патшалык, РФ Коршалав министерствосынынъ эм Донецк Халк Республикасы савгаларынынъ иеси болган. Ол «За боевые отличия», «Георгий Жуков» атындагы, «Участник СВО», «За храбрость IV степени» эм «Согыс оьзгерисининъ ветераны» омырав белгисине тийисли этилген.
Биз оьзин аямай, Элининъ кызыксынувларын коршалавга турган аьр бир аьскершимиз бен оьктемсиймиз. Буьгуьнлерде биз сондай йигитлердинъ бириси – согыс спецоперация барысында коркынышсызлык эм йигитлик коьрсетип келген ердесимизге разылыгымызды билдиремиз. Онынъ йигитлиги – ол яс аркага уьлги, халкымыздынъ сынмас анъ белгиси болады, – деди район аькимбасы
Аким Микиров.
Суьвретте: аьскерши С.Дяйкин.