Дагестанда аграрийлер авыл хозяйствосындагы малларга кыс шагына азык аьзирлев ислери уьстинде етимисли каьрлеп келедилер. Мал асыллавшылары ман, айырым айтканда, бир миллион уьш юз мынъ тонна пишен, токсан мынъ тоннадан артык тобан, он мынъ тонна силос, баска болып, бес мынънан артык тонна еми аьзирленген.
Бу йыл муниципалитетлер арасына аслыкты аьзирлев бойынша алдышылар санына Кизляр, Тарумов, Бабаюрт, Хасавюрт районлары кирдилер. Азыкларды сапатлы эм оьз заманы ман аьзирлев – ол малды асыллав бойынша тармагынынъ йогары оьлшемде аьрекетлевининъ эм алдыда янаскан кыс шагына малды емисли оьстируьвининъ себеби болады.
Суьвретте: аслык аьзирлев мезгили