Ногайымызда «Он бармагы –
он алтын» деп, уста коллы, бир
неше туьрли исти бек ийги этип
бажарган, баскалар онынъ иси-
нинъ емисине карап сукланган
аьдемлер акында айтадылар. Сондай аьдемлердинъ колында кайдай да ярасык затлар оьз оьзиннен тувмайды, ол Кудайдынъ усындырувы эм хыйлы заман шыдамлы
кепте сол истинъ сулыбын алув
уьстинде ислев мен бирге болады.
Халкымызда кайсы заманларда да эткен ислери мен оьзине эс эттирген хатынлар болганлар. Ясуьйкенлер ясларды, аналар кызларын, олар болса оьз балаларын билгенине уьйреткенлер.
Коьркине эм сапатына коьре
айтылган брендлардан кемшилиги болмаган яс келинлерге ястык эм ювыркан тыслар тигетаган,
кыз айттырувга ярасык дорбалар эм балаларга бесиклер согатаган
Марина Байманбетовады (кыз
тукымы) кишкейлей анасы Зухра иске уьйреткен. Болаяктынъ боьркиннен дегенлей, мектебте ортаншы классларда окыган йыллардан алып кызалактынъ колында
теллердинъ коьмеги мен йиплер
ярасык явлыкларга айланганлар.
Бу куьнлерде Марина Пионерлер уьйинде куллык эткен ис тигуьв кружогын юритуьвши Бурлиянт Кожахмедовнады эсине алады. Ол меним юрегимде согувга
суьйимди тувдырган эм беркит-
кен дейди. Сол йылларда Марина онынъ энъ де талаплы окувшысы деп саналган.
Авыр токсаныншы йылларда баьри зат пан бирге ярасык
йиплер де, согатаган алатлар да
кытлык болган. Сол куьнлердинъ бирисинде Марина тетеси Совет Камаловнага оьзининъ соккан явлыгын коьрсетеди, кыскаяклы болса унык кызы уьшин суьйинип, ога ярасык йиплер савкатлайды, баслаганынъды койма деп
маслагатын да береди. Тетеси-
нинъ соьзлерин ерге туьсирмеген кызалак бу куьнлерде оьз коьмекшиси мен бирге Египет, Турция эм баска эллерде шыгарылган кумашлардан яс келинлерге
ювыркан эм ястык тыслар тигеди.
Сол узак, аьлигидей туьрли
уьйкен туькенлер болмаган, йылларда Марина анасы эм аьптеси мен бирге янъы тувган балаларга яялыклар, боьрклер тиккен.
Олардан балалар кийимлерин яс кыскаяклылар алатаган болган- лар. Байманбетовлардынъ уьйин-
де ис билмеген аьдем йок, олардынъ аьр бириси – кайдай да бир истинъ устасы.
Мектебти окып кутарып,
Марина Исаевна Кизлярдагы технический университетининъ инженерно-экономикалык
факультетинде билим алган. Ис
аьрекетин танъ эм аьдемлерге
яхшылык этпеге дайым аьзир болган кыскаяклы Ногай районындагы Яшавшыларды социаллык яктан канагатлав орталыгында баслаган. Мунда Марина Исаевна ол ашылган биринши куьнлерден
алып куллык эткен. Ол, ис йол-
даслары болсын, канагатланган
аьдемлер болсын, аьр бирев мен тил тавып, йылы катнаслар туьзип болган. Онынъ ийги иси Ис эм социаллык оьрленуьв министерствосынынъ, Ногай район администрациясынынъ, Яшавшыларды социаллык яктан канагатлав орталыгынынъ Сый грамоталары ман белгиленген. Маринадынъ уста коллары ман аьзирленген ислер районымызда озгарылган уьйкен шаралардагы выстав-
каларда орын тапканлар.
Марина Кулунчакова ян йол-
дасы Асадулла ман 5 бала тер-
биялайды. Аьр бир ата-ана оьз
баласына наьсип тилейди, олар-
дынъ тилеклери кабыл болганын
йораймыз.
Нурият Кожаева.
Суьвретте: М.Кулунчакова.