Уллы инсанлардынъ бириси
айткан: «Художник куьшин тек
эки затка салмага керек – аьдем
эм табиат». Аьлемет картина-
лар ясамага оьнери бар аьдем-
лер оьзлери де аьлемет деп айтпага боламыз. Сондай оьнери оьр болган инсанлардынъ арасында –
бизим ердесимиз, талаплы хатын Мархаба Аджибатир кызы Шалиева. М.А.Джемал атындагы Дагестан художестволык училищесин битирип, М.Шалиева суьйикли
кесписи бойынша тувган райо-
нына келип куллык эткен. Ясав
оьнери ога Кудай ман берилген,
онынъ картиналары коьплеген
выставкаларда коьрсетилген, тек бизим районда тувыл, республика, Россия бойынша ясав саниятын суьювшилерди сукландырып турады.
Мархаба Аджибатир кызы
ногай шоьлин, онынъ инсанларын, юрегине ювык эм аьзиз аьдемлерди суьвретлейди. Солай
ок художник араб каллиграфиясы ман, китап графикасы ман аьрекетлейди. Оьз сулыбын, билимин
М.Шалиева балаларга коьширеди, ол – С.Батыров атындагы саниятлар мектебинде ислейди. Талаплы хатыннынъ тербияланувшылары туьрли конкурсларда катнасып,
баргылы орынларды аладылар.
Быйыл канътар айында Грозный каласында М.Шалиевадынъ
картиналарынынъ выставкасы
озды. Выставка бир ай узагында
коьрсетилди. Курал айында талаплы ердесимиз Дагестан Республикасынынъ Оькиметининъ Сый
грамотасына тийисли болды. Тек янъыларда Махачкала каласында художниклердинъ Савлайроссиялык яратувшылык ямагат организациясынынъ Дагестан боьлигининъ председатели Курбанали
Магомед увылы Магомедов Мархаба Шалиевага «Россия художниклер союзынынъ» агзасынынъ билетин тапшырды. Бу баьримизге де суьйинишли хабар.
Ак юректен Мархаба Аджиба-
тир кызын сондай уьстинлик пен
кутлаймыз, алдыда аьли де коьп
ийгиликлер сагынамыз.

Гульфира Бекмуратова.