8-нши ноябрьде – ис борышларын толтырувда ян берген РФ МВД куллыкшыларын эскеруьв куьнинде «сельсовет Арсланбековский» СП МО администрациясынынъ аькимбасы Эдиль Акбердиевтинъ тапшырмасы ман авыл администрация куллыкшылары эм Ногай район Депутатлар йыйынынынъ депутаты Асанбий Биякаев полиция куллыкшысы, баьтир йигитимиз Эльдар Аджигельдиевтинъ аьелинде конакта болып кеттилер.
– Сол баьле-казалы куьн акында эс, ян тамырларын сызлататаган каты кайгы бизим юреклерде дайымга калар. Эльдар Ахматовичтинъ баьтирлиги,
коркынышсызлыгы, эр йигитлиги энъ йогары баалавга эм дайымлык эскеруьвге тийисли, – деп белгиледи депутат Асанбий Биякаев.
Конаклар аьел агзаларына эстеликли савкатлар тапшырдылар эм аьелди туьрли як колтыклаягына эм коьмек этеегине сендирдилер.
Баьтир йигитининъ тул хатыны Камиля Аджигельдиева «сельсовет Арсланбековский» СП МО администрациясынынъ етекшисине Эдиль Акбердиевке дайым да эс карататаганы эм аьели акында каьр шегетаганы уьшин оьз разылыгын билдирди.
Э.Кожаева.