Ер юзине энген аьдемди биринши болып медицина куллыкшысы йолыгады, сонъгы тынысымызды
да, коьбисинше, солардынъ колында аламыз…
Солай болганда, биз медицина куллыкшылары ман тувганнан алып ызгы куьнимизге дейим байланыслы деп айтпага боламыз. Медицина куллыкшысы бизге оьзининъ коьп ярдамын этеди. Босына тувыл, онынъ уьстине киетаган ак туьсли кийими де, биз оларга оьзимиздинъ яшав оьмиримизди сенемиз. Бир муьшемиз авырыса, ювырып, медицина куллыкшысына келемиз. Бала болып келсек, олардан коркамыз, беркиген заманда, эсли болганда келсек, уьйкен сеним мен
караймыз. Кайдай касиетли, ис сулыплы врач та, медицина куллыкшысы да бар. Аьли мен уьйкен разылыгым ман Ногай Орталык поликлиникасында ис аьрекетин бардыратаган врач-дерматологы Джамиля Муратали кызы Сатыровга эм оны ман бир кабинетте ислейтаган медсестра Заира Явгайтар кызы Матаевага оьзимнинъ разылыгымды билдиремен. Менимше, олардынъ кеспи усталыгы, аьр аьдемге каратылган соьзлери, сени тек эмленуьвге даьвлендиреди.
Мен оларга кеспи борышларын уста толтыратаганы уьшин савболсынымды айтаман. Джамиля Муратали кызы, Заира Явгайтар кызы, сиз алтын коллар ман, терен юрек сезмлери мен медицина кул-
лыкшыларысыз. Медицина куллыкшысы болув тыныш тувыл, ама сиз аьр кайсы авырувлыдынъ да эбин тавып, языксынып болатаган специалистлер. Сизге ден савлык, разы болып калган аьдемлер
яшав йолынъызда коьп болсын.
В.Хаджимурадова,
Суьвретте: Д.Сатырова эм З.Матаева.