Бизим ердеслеримиз элимиздинъ коьплеген гражданлары ман бирге буьгуьнлерде СВО еринде явга карсы турадылар. Биз олар ман оьктемсиймиз эм гуманитарлык юк пен, ердеслер-волонтерлар ман йолыгыслар ман, уьйдеги исси аслар ман, район мектеблерининъ окувшыларынынъ хатлары, ясаган суьвретлери мен суьйиндирип турамыз.

Менимше, бизим балалырмызыдынъ келеектегисин, тувган элимизди коршалап турган йигитлеримизге сондай йылувлы баалы эм маьнели, соннан ийги зат бар ма экен. Аталар, эрлер, аданаслар куьшин де, яшавын да аямай, Аталыгы алдында борышын толтырадылар, тек олар аьр заман кардаш-тувганлар ман йолыгысты куьтедилер, уьйге кайтпага суьедилер.

Буьгуьнлерде болса, кишкей маьлек Аминат, ога тек эки яс толган, анасы ман бирге суьйикли атасына барган, соьйтип ога уьйкен наьсип савкатлаган. Уьйден шыккан заманнан алып кызалак атасы ман йолыгысты юреги телезип караган. Нариманнан Донецкке дейим узак йолды бир йыламай, куйланмай барды Аминат, кашан да, ол атасы ман йолыгысаякты, кайтип ол кызын куьтип турганын биледи ше. Рустам Магомедовтынъ суьйиниши койнына сыймайды, соны ога эки ясындагы кызы тувган авлыннан аькелген.

Рустамнынъ ян йолдасы Аидага да уьйкен савбол, соьйтип ол эрин, доьрт баладынъ атасын, коьтергишледи. Магомедовлардынъ аьелине ол куллык этетаган боьлик командири кавыфлы ерлерден узакта квартира уьш куьнде берди. Рустам Магомедов кишкей кызы ман баьри кыйынлыкларды да мутты.

Сондай суьйинишли йолыгыслар аьр бир аьскершидинъ аьелинде болсын. Олар тувган еринде аьели мен коьриссин эм бирге дайымларга яшасынлар.

Эльвира Бекмурзаевадынъ дневнигиннен.