Дагестаннынъ Бабаюрт районында СВО катнасувшылар аьеллерин коьтергишлев бойынша тармаклык иси етимисли бардырылады. Айтпага, янъыларда Яшавшыларды социаллык ягыннан канагатлав бойынша ерли орталыгы согыс спецоперация аьскершидинъ ян косагын ис пен канагатлады. Буьгуьнлерде согыс спецоперация юрген ерде сонынъ борышларын толтыратаган Бабаюрт районынынъ Хамаматюрт авыл яшавшысы Алик Гасанов ян косагы Джахбатка куллык пан канагатлавда ярдамласпага КЦСОН етекшисине тилегин билдирди. Орталык етекшиси Раджаб Абдулабеков пан онынъ тилегине тез аьрекетте эс берилуьви аркалы, тийисли токтас шыгарылды. Джахбат тувган авылында социаллык куллыкшысынынъ ис орынына беркитилди. Эндиги Джахбат Гасанова айырым коьмек керексинетаган ясуьйкенлерге, сакатларга, гражданлардынъ баска катламларына керекли ярдамын этип келеек. Баска болып, оны ман аьжетсизленеек аьдемлердинъ сырасын согыс спецоперация катнасувшыларынынъ аьеллери де туьзедилер. Сол зат та онынъ ис аьрекетин терен маьнели эм керекли этеди. Гасановлардынъ аьел тарихи – йигитликтинъ эм патриотизмнинъ уьлгиси. Алик Гасанов увылы ман бирге СВО еринде алдышылыкта элининъ кызыксынувларын коршалап келедилер. Джахбат та, шетте карап турмай, тувган авылынынъ яшавына оьз косымын этпеге токтасты. Оьз ювык аьдемлери уьшин кыйналувына да карамай, ол енъил йолларды излемей эм берилетаган тоьлевлерге де карамай, ямагат уьшин куллык этпеге аваслыгын коьрсетти. Джахбат Гасановадынъ соьзине коьре, сол ис аьрекети ога эри эм увылы акында кыйналувын эм тынышсызланувын азайтпага, ювык аьдемлери патшалыгынынъ кызыксынувларын коршалап, эли алдында борышын толтырып юргенде, оьзин керекли этип сезбеге, яшавын маьнели этпеге куьш косады. Сондай онъайлы баслав тек ис орын ман канагатлав соравларын шешип калмай, аьр ким де патшалыгымыздынъ эм ердеслеримиздинъ аралык коьтергишлевин сезбеге амал беретаган аралык ярдамласувдынъ кенъ тармагын да туьзип келеди. Джахбат Гасановадынъ тарихи Бабаюрт районынынъ яшавшылары уьшин ян куватлыктынъ эм, авыр заманларга да карамастан, элине эм аьдемлерге шынтылайын пайдалы болувдынъ уьлгиси болады. Суьвретте: Джахбат Гасанова КЦСОН етекшиси мен йолыгысув мезгили.