Уьстимиздеги еги йылдынъ шилле айынынъ 23-нши куьниннен алып 30-ншы
куьнине дейим Волгоград областининъ Волжский каласынынъ «Зенит» стадио-
нында белгили совет футбол ойнавшысы Никита Павлович Симоняннынъ эстелигине багысланып, Россиядынъ спорт
фондынынъ коьтергишлеви мен «Виктория» дивизионында «Кожаный мяч — Лига юных футболистов» деген футбол
бойынша Савлайроссиялык турнирдинъ III финал кезеги кызувлы аьлде озды.
Турнирдинъ сырасын Элимиздинъ 16 регионларыннан уьш юзден артык спортсменлери туьзген 16 усташа ойнаган йыйылыс командалары, айтпага,
оннан алдын регион кезеклери бойынша енъуьвши болган 2011-нши эм 2012-нши йылларында тувган командалары ортак-
шылык эттилер.
Сол футбол бойынша Савлайроссиялык турниринде Дагестан атыннан
республикамыздынъ тарихиндеги уьйкен спорт оьзгерисинде, айтпага, мек-
теб футбол лигасынынъ бесинши мерекелик сезонынынъ чемпион атына тийисли болган К.Ш.Кидирниязов атындагы Карагас авыл орта мектебининъ кызлардан туьзилген футбол командасы да ортакшылык этти.
Турнирде енъгенлерди эм катнасканларды «Сактыян топ» АНО етекшиси Лев Иванов эм Россия футбол союзынынъ ваькили Владимир Олексин белгиледилер. Олар сондай спорт шараларынынъ уьйкен маьнелиги акында айтып,
турнир катнасувшыларына, енъуьвшилерге кутлав соьзлерин караттылар.
Солай болып, ойын уйгынлавшылары турнирде белсенли ортакшылаганлар-
ды, туьрли номинациялар бойынша устаойнавшыларын айырым белгилеп, оларга баргылар, Сый грамоталар тапшырдылар.
Биз де яс футбол ойнавшылары-
мыз, айтпага, К.Ш.Кидирниязов атындагы Карагас авыл орта мектебининъ окувшы кызларыннан туьзилген коман-
дасын, олардынъ тиресуьвли, усташа ортакшылык этип, савлай Россия бойынша оьлшемде Дагестан Республикамызды, Ногай районымызды тийисли
кепте коьрсеткени мен бек оьктемсиймиз. Оларга келеекте де спорт тармагында бийик енъуьвлерин йораймыз.
Г.Нурдинова.
Суьвретте: К.Ш.Кидирниязов
атындагы Карагас авыл Орта мектебининъ окувшы кызларыннан туьзилген команда.