Уллы Аталык согысынынъ 80 йыллык мерекеси мен байланыслы болып, сенатор Сулейман Керимов Дагестан Республикасында яшайтаган ветеранларга – бесер миллион акша, Ленинград курсавында, концлагерьлерде суьргуьнде болганларга – экисер миллион акшалай береегин оьзининъ Телеграм-каналында Госдумадынъ депутаты Хизри Абакаров билдирген.
Солай ок, согыс спецоперациясында катнасып, Россия Баьтири деген атка тийисли болган дагестанлылардынъ аьеллерине сенатордынъ колтыклавы ман бесер миллион акшалай берилеек.
Оннан алдын Дагестан Республикасынынъ Аькимбасы Сергей Меликов Уллы Аталык согысынынъ ветераны, Россия Баьтири, 101 ясындагы Ибрагим- Паша Садыковка биринши дережели ДР Сый орденин эм Уллы Енъуьвдинъ 80 йыллыгына деген мерекели медалин тапшырган.
