Янъыларда Ногай районынынъ Карагас авылында «Кизляр – Терекли-Мектеб – Ставрополь крайынынъ япсарлары» республикалык йолынынъ туьзеткен участогы (108км – 116,4км) шатлыклы аьлде ашылды, деп билдиреди муниципалитет администрациясынынъ пресс-службасы.
Йол аьлин ийгилендируьвге каратылган ремонт ислери «Инфраструктура для жизни» миллет проектине коьре озгарылган. Янъыртылган йол участогынынъ ашылувында «Дагестанавтодор» ГКУ ваькиллери ортакшылык эттилер: етекшидинъ орынбасарлары З.Г.Умаханов, Т.М.Аджиев,
«РСУ»-«Ногайский» АО филиалынынъ директоры Д.А.Караев. Бу шатлыклы шарада Ногай район администрация аькимбасынынъ орынбасары Р.С.Шангереев эм Дагестан Республикасы бойынша Халк фронтынынъ координаторы Д.А.Назиров катнастылар.
Йолдынъ бу участогынынъ реконструкциясы регионнынъ инфраструктурасын оьрлендируьвинде маьнели абыт болады. Ол бу ердинъ социал экономикалык оьрленуьви уьшин аьллерди ийгилендирмеге, солай ок яшавшылардынъ яшав сапатлыгын коьрклендирмеге себеплигин тийгистеди.