Язда авыл ерде аьр кимнинъ
уьйинде туьрли ясылшалар оьседилер. Сол аьлемет шакта оларды туьрли этип сыпырага салмага болады. Аз тузланган бадыржанларды (помидор) язда коьбиси кайта-кайта ашамага суьедилер. Сизге сол ясыл-
шады тузлав йорыгын коьрсетейик.
Уьш литр куры банкадынъ туь-
бине уьйкен болмаган бир бас
сарымсакты кесеклеп, укроп эм
петрушкады кесип, 2-3 лавро-
вый япырак, 5-10 горошек бурыш салынъыз, сонъ уьстине 1, 5 кг суьйрепей бадыржанларды ювып, курытып, сис пен эки ерин тесип салынъыз. 1 литр сувга 2 уьйкен
касык секер эм 1 уьйкен касык туз куйып кайнатынъыз. Кайнаган сувды банкага куйынъыз. Бир неше саьаттен сонъ, сувы сувыганда, банкады холодильникке салынъыз. Бир
куьннен сонъ банкадынъ ишиндегин ашамага боласыз. Оларды болса, холодильникте бес куьнге дейим сакламага ярайды.
Нурият Кожаева аьзирлеген.