Яй тыншаюв куьнлери
болса да, балалар оьз били-
мин оьстирмеге аваслыгын
йоймайдылар. Олар таркав
куьнлерин тек ойынлар ман
тувыл, китаплер де окып,
оннан оьзгелей, китапханада
озган шараларда катнасып та
озгарадылар.
Янъыларда Ногай район балалар китапханасында Россия Халклар бирлигининъ йылына багысланып, «Япсарсыз миллет» деп аталган хабарласув-ойланув
саьати озды. Бу куьнги шара-
дынъ бас мырады балаларда
баска миллет ваькиллерине,
олардынъ маданиятына сый
эм кызыксынувын оьстируьв, баска халклар ман дослык эм бирликти тербиялав болды. Китапхана заведующийи Зарема Джумалиева балаларга бизим уллы элимиз Россияда, солай
болып киши Аталыгымыз
Дагестанда, туьрли халклар
татымлыкта эм тил бирликте
яшайтаганы акында хабар-
лады. Йыйылган балалар аьр
бир халктынъ оьз аьдетлери
бар экенин кызыксынув ман
тынъладылар. Олар шара
юритуьвшисининъ соьзле-
риннен аьр бир несил ата-
ларынынъ яшавы акында
билмеге, несилден-несилге
коьшкен эм оьмирлер уза-
гына туьзилген аьдетлерин
тутпага керек экенин билди-
лер. Солай болып, балалар
китапхана заведующийи аьр
бир халк оьз тилин саклама-
га, билмеге керегин де айтып
озды.
Бизим республикамыздынъ бас патшалык байрамы – Дагестан Конституциясынынъ куьнине багысланып, балалар китапханасында «Дагестан конституциясы» тарих саьати озды. Балалар байрамнынъ тарихи мен таныстылар, байрак пан герб патшалык белгилер экенин, байрактагы ясыл туьс –дагестан ерининъ онъайлыгын
эм ислам динин, коьк туьс
– алаллыкты эм сенимди,
кызыл туьс Дагестан халкла-
рынынъ баьтирлигин, эркли-
гин, Аталык уьшин тоьгилген канды белгилейтаганын
билдилер.
Бу куьн окувшылар Дагестан акында ятлавлар окыдылар, ДР Гимнин тынъладылар. Шарадынъ сонъында
китап выставкасы ман таны-
стылар.
Нурият Кожаева.
Суьвретте: шарадан сонъ.