(повесть) (Басы 9-ншы, 11-нши, 12-нши, 14-нши, 16-ншы, 20-ншы номерлерде) – Коьзинъ тийип коймасын, айлак сукланасынъ, – деп куьлди эркек. Химиядан келетаган Тотайхан Яхьяевна да оьз соьзин коспага алгасады. – Ясты мактаган да уялар, яманлаган да уялар. Айлак та кеделерге сенуьв кыйын. Олардынъ ланъкалары киселеринде, – деди кыскаяклы, Оьтебийке Сейпуллаевнадынъ мактавына разы болмагандай болып. Бир зат...
Йыл сайын тамбыз айынынъ 6-ншы куьнинде элимизде Пушкиннинъ куьни белгиленеди, бу байрам бизге Орыс тилининъ куьни деп те белгили. Уллы орыс шаири, драматург эм прозаик Александр Сергеевич Пушкиннинъ адабиат яратувшылыгы бек баалы. Олар ман биз кишкей заманда танысамыз, эм савлай яшавымыз бойынша бизи мен сыхырлы эртегилери, ятлавлары, поэмалары, каьмбил, терен ойлы хабарлары эм повестьлери каладылар....
Янъыларда Ханты-Мансийск каласында Параспартакиада, Сурдспартакиада эсабында енъил атлетика бойынша чемпионаты эм бириншилиги тамамланды. Сол уьш куьнлер бойы тиресуьвли куьресуьвлер, етискен уьстинликлер шынты атлетлерининъ алдында оравлык тувыл экенин ашык коьрсетти. Уьш авыр куьнлер бойы юзлеген стартлар, онлаган казанылган савгалар – сол баьри затлар да, айтпага, спорт межесиз экенин ыспатлав уьшин онъайлы мырад пан уйгынланган эдилер. Юградынъ...
Янъыларда Сраждин Батыров атындагы саниятлар мектеби оьзининъ 60 йыллык мерекесин белгиледи. Коьплеген талаплы балаларды шыгарган бу мектеб. Кайдай талаплы окытувшылар ислейдилер саниятлар уясында. Солардынъ бириси – Мархаба Аджибатир кызы Шалиева. Талаплы суьвретшидинъ тербияланувшылары туьрли конкурсларда катнасып, баргылы орынларга тийисли боладылар. Соьйтип, Мархаба Аджибатир кызы «Гризодубовский окувлар» Савлайроссиялык проектин яшавга шыгарув ниет пен «Енъуьвдинъ хатын-кызлар бети»...
Уьстимиздеги йылдынъ тамбыз айынынъ 6-7-нши куьнлеринде савлай элимизде Ногай футбол лигасынынъ сайлав кезегининъ ойынлары оздылар. Каты куьресуьвлер бойынша турнирдинъ финал кезегине путевка уьшин Россиядынъ сегиз регионларыннан 38 командалары ортакшылык эттилер. Ойын уьшин яны авырыйтаганларга, ярык эм коьнъилли ойынын савкатлавы ман, бу йылдынъ регионаллык сайлавлары етимисли базласув оьлшеми мен баскаланды. Эки куьн бойы футбол командаларынынъ ойынлары...
Юмав Иманиязович Каракаев… Сосы оьрметли аьдем мен бизим яйнаган яслыгымыз байланыслы. 1983-1988-нши йыллар Карачаевск пединститутынынъ филология боьлигинде окыган йылларымызда, ол бизге юмарт юрекли насихатшы, терен билимли окытувшы болып турды. Сол йылларда пединститутта бек коьп ногай кызлар эм яслар окыйтаган эдилер. А мени мен бирге бир курста Ногай районымыздан Марина Джумагельдиева, Насипхан Сабутова, Мархаба Нурманбетова окыдылар,...
Тек янъыларда «Меним яшавымда космос» деп язылган макалады мага Ногай районымыздынъ Нариман авылынынъ ясуьйкени, оьзи де халкымнынъ талаплы, яратувшылык пан каьр шегуьвши инсаны, яшавын яс несилди тербиялавга багыслап келген окытувшы Нурманбет Тангатар увылы Зарманбетовтынъ аманаты ман, увылы еткерди. Оьзек те, бу макала, аьдем космоска биринши кере ушкан куьн, апрель айынынъ 12-нши куьнине ювык заманда газета...
Меним колымда халкымызга аты ийги белгили, Дагестаннынъ халк шаири Анвар-Бек Оьтей улы Култаевтинъ Махачкаладагы китап баспасында шыккан «Ногай йигитлери» деп аталган китаби. Сосы китаптинъ суьйдимлиси сол, ога бизим ногай йигитлери акында язылган аьлемет дестанлары, балладалары киргистилгенлер. Асарлардынъ аьр бирисининъ баьтирлери халкымыз арасында белгили болган аьдемлеримиз. Автор онлаган йыллардан бери сосы асарларын язганы, баспага аьзирлегени эм...
Тувган Элимиз уьшин куьресте оьзининъ яс янын аямаган йигитлер оьмирлерге халк эсинде эм юрегинде сакланадылар. Тап соьйтип аьлиги заманда россия аьскерлери юритип турган согыс спецоперациясында катнасып, элин явдан коршалавда янын берген Ногай районынынъ Бораншы авылынынъ яшавшысы Алибек Шамшудиновтынъ (Алла ога тынышлык берсин) эм баска ясларымыздынъ баьтирлигине сый этип, авылдынъ орта мектебининъ азбарында быйыл апрель айында...
Ногай районынынъ Яшавшыларды социаллык канагатлав комплексли орталыгында эсли ясындагы эм сакатлыгы бар гражданларды социаллык канагатлав 4 боьлик эм балаларды эм балалы аьеллерди уьйшиликте социаллык канагатлав бир боьлик аьрекет этедилер. Орталыкта 99 аьдем куллык этедилер, солардынъ 67-си – социаллык куллыкшылар. Баьриси Орталык пан 2025-нши йылда 1479 гражданлар канагатланган – 158845 буйымлар толтырылган, сонынъ ишинде: — эсли...
