Шатраш ойыны – бек кызыклы, аьдемнинъ кылыгын эм онда коьплеген пайдалы сапатларын кеплейтаган ойынлардынъ бириси. Сол ойын бизге аьлиги заманда билетаган кебинде келмеген. Ол асылы ман Индия элинде тувган. Оны баслап чатуранга деп билгенлер. Шатрашты кайсы йылда тувган деп айтпага бек кыйын. Тарихшилердинъ белгилевине коьре, шатраш ойыны бизим оьмирге дейим 600-ншы йыл артта ойлап шыгарылган....
Ердесимиз Биболат Руслан увылы Нургишиев, Элимиздинъ яшавшыларынынъ йогарындагы тынышлы коьктинъ парахатлыгы эм коркынышсызлыгы уьшин яс яшавын аямай, Аталыгына намыслы кызмет этип келди. Биз ердесимиз акында эстеликти аявлап саклаймыз, онынъ коьрсеткен йигитлиги – ясларга коьрим. Биболат мектебте окув йылларыннан алып яшавын аьскершилик службасы ман байланыстырмага мырат эткен. Душпан Элимиздинъ япсарына ювык янасканда, ол яс яшавын аямай,...
3-нши декабрьде сав дуныяда Сакатлар куьни белгиленеди. Сол куьнди белгилев ямагатлыктынъ эс этуьвин сакатлардынъ маьселелерине, олардынъ ыхтыярларын эм онъайлыгын коршалавга каратылады. Халклар ара сакатлар куьнинде КЦСОН-нынъ балаларды эм балалы аьеллерди уьйинде социаллык яктан канагатлав боьлиги Ногай район администрациясынынъ эм организациялар коьтергишлеви мен ден савлыгы яктан толы амаллары болмаган балаларга байрам шарасын уйгынлады. Сол куьн йыйналып,...
Ана куьни – энъ де йылы эм суьйимге оралган байрам. Онынъ уллы эм шынты маьнеси, согыс спецоперациясы басланып, бизим йигитлер колларына савыт алып, Элин коршалавга турганнан сонъ, коьринди. СВО барысында Россиядынъ увыллары, солардынъ сырасында бизим ердеслеримиз де эрклик, шыдамлык эм баьтирлик коьрсетедилер. Оькинишке, олардынъ арасында яшавлары курман болганлар да бар. Бу баьтирлерди тербиялаган аналар алдында...
Уьстимиздеги йылдынъ караша айынынъ ызгы куьнлеринде Ногай районымыздынъ Куьнбатар авылында бир аьлемет йылы йолыгыс озгарылды. Бу куьн мунда оьз йылувлыгын дайым бермеге аьзир аьдемлерди хош коьрип алдылар. Олар – бизим халкымыздынъ алал кызлары эм йигитлери, согыс спецоперациясы басланганлы халкымыз арасында аьруьв таныс болган «Неравнодушные сердца» волонтер куьбининъ агзалары. Бу куьп тек район орталыгында аьрекет бардырып...
Баьтирлер куьни – Россияда йыл сайын карагыс айынынъ басында белгиленетаган эстеликли куьн. Биз Совет Союзынынъ, Россия Федерациясынынъ Баьтирлерин, Данък орденлерининъ кавалерлерин эм Аталыгымыз уьшин куьшин де, янын да аямаган йигитлеримизди эсимизге оьктемлик пен аламыз. Байрам алдында савлай элимизде, республикамызда, сонынъ ишинде – Ногай районында, эстеликли шаралар озгарылады. Терекли-Мектеб авылынынъ А-Х.Джанибеков атындагы мектебинде шатлыклы линейкалар оьтти....
Ногай район администрациясында район активининъ коллегиялык йыйыны болып оьтти. Йыйыннынъ куьн йорыгына коьре, эки сорав ортага салынып ойласылды. Коллегиялык йыйынынынъ «Ногайский район» МР турак уьй-коммуналык хозяйствосынынъ 2025-нши, 2026-ншы йыллардынъ куьз-кыс айларына аьзирленуьв бойынша борышлары акында» деген биринши соравы бойынша район администрациясынынъ архитектура эм ЖКХ боьлигининъ етекшиси Алибек Муллаев шыгып соьйледи. Онынъ айтувы ман, быйылдынъ 1-нши...
ДР Оькиметининъ Председатели Абдулмуслим Абдулмуслимовтынъ тапшырмасы бойынша 2025-нши йылдынъ ноябрь айында Ногай районынынъ Уьйсалган авылына газ трубаларды янастырув бойынша курылыс ислер тамамланган. Ол ислер ДР-нынъ Энергетика эм тарифлер министерствосынынъ бойсыныслы учреждениеси – ДР-нынъ «Спецгазстрой» ГКУ ман толтырылган. Объектинъ бас коьрсеткиш белгилери: – газопроводтынъ узынлыгы – 13,4 шакырым; – финанслав оьлшеми – 32,1 млн. маьнет акша;...
Ногай район орталыгы Терекли-Мектеб авылында Аталыктынъ Баьтирлери куьнинде мундагы парк ортасында орынласкан Мемориаллык комплексинде сол данъклы куьнге багысланган эстеликли митинг болып оьтти. Шарада Ногай район аькимбасынынъ биринши орынбасары Рашид Шангереев шыгып соьйледи. – Буьгуьн бизде киели эм эстеликли куьн. Биз буьгуьн Уллы Аталык согысында, Афганистан еринде, Шешен Республикасында эм согыс спецоперациясынынъ барысында ян берген ердеслеримизди...
Йыл сайын 12-нши декабрьде Россия Федерациясынынъ Конституциясынынъ куьни белгиленеди, ол элимиздинъ маьнели ямагат-политикалык шарасы болып саналады. Сол куьн 1993-нши йылда савлайхалклык тавыслав йорыгы ман Россия Федерациясынынъ Конституциясы кабыл этилинип алынган. Россия Президентининъ Указына коьре 1994-нши йылдан алып 12-нши декабрь куьни патшалык байрамы деп билдирилген. Конституция – элимиздинъ асыл законы – Россиядынъ савлай ыхтыярлар тармагынынъ туьп...
