Оьзек те, асабалык аьлинде кеспи сайлавдынъ коьп ийги яклары бар. Айтпага, эгер аьелде сол кеспиди сеннен алдын сайлаган киси болса, ол сени мен сулыбы ман боьлисер, сен ис аьрекетинъди янъы баслаганда, этпеге болатаган янъылыслардын алдын шалув шараларды айтар. Оьзи де колтыклав этер. Ама кайсы ис орында ислесенъ де, оьзинънинъ де билиминъ, тапкырлыгынъ болмага керек, солай болмаса, ис оьрге бармас, оьзинъ де оьрленип, оьсип те болмассынъ. Батальоннынъ экинши боьлик командири Расиль Мурзадинович Менлиалиев (суьвретте) Ногай район бойынша РОВД-да ислеген бес йыл ишинде оьзининъ йогары кеспилик усталыгын коьрсетип келеди. Сол болжал ишинде Расиль етекшилеви атыннан йырма кере разылык белгиленуьвге тийисли болган. Онынъ куллыксуьерлиги эм яваплылыгы тек туьнегуьнлерде бу тармакта ис баслаганларга ийги коьрим этилип салынады.