2026-ншы йылдынъ сары тамбыз айынынъ 14-нши куьнинде эр борышын толтырып турган ердесимиз Артур Джамалаудин увылы Нурлубаев ян берген.
Артур Нурлубаев 2006-ншы йылдынъ карагыс айынынъ 9-ншы куьнинде тувган. 2013-нши йыл Червленные-Буруны авылынынъ орта мектебине барган эм 2022-нши йылда 9-ншы классты битирген. Сол йыл Артур Нефтекумск каласына региональли политехнический колледжине окымага туьседи. Ол «электроалатларды ясав эм кулланув бойынша электромонтер» кесписин байырлайды, соны ман бирге автошколасында да окыйды.
2025-нши йылдынъ карагыс айында Артур Нурлубаев эр борышын толтырмага шакыртылады, Буденновск каласында куллык этеди. Артур Нурлубаев куллык эткен боьликти Крым ерине кесек заманга йибередилер.
Оькинишке, 74814-нши войсковой боьлигининъ биологиялык, химиялык эм радиационлык ротасынынъ химиги ефрейтор Артур Джамалаудин увылы Нурлубаев Россия Федерациясынынъ ерлерине явдынъ кируьвине карсы турув бойынша Крым Республикасынынъ Раздольненский районынынъ Котовское поселогында согыс борышларын толтырувда йигитлерше ян берген. Боьлик командирининъ айтувы ман, Артур Нурлубаев оьзи мен бирге болган йолдасларын атылувдан куткарган, оьз яшавын курманлык эткен.
Ефрейтор Артур Джамалаудин увылы Нурлубаев Йигитлик ордени мен савгаланган.
Биз ердесимиз бен оьктемсиймиз, мен онынъ аьелине, кардаш-тувганларына бассавлык йорайман. Артурдынъ йигитлиги аьр дайым бизим эслеримизде сакланаяк.
Д.Абубекеров,
«село Червленные-Буруны» СП МО депутаты.