Уьстимиздеги йылдынъ шилле айында Черкесск каласында белгили болган кезекли Ногай
футбол лигадынъ финал
кезеги йогары аьлде
уйгынланып тамамланды. Сол кенъ спорт оьзгериси уьш сайлав куьплерине боьлинген Россия Федерациясынынъ сегиз
регионларыннан он эки
командаларын йыйнады.
Сол социаллык проекти Москва каласындагы «Ногай ямагаты» регионаллык ямагат организа-
циясынынъ ойы бойынша, 2015-нши йыл яшавга шыгарылып негизленген, сол ок организация
уйгынлавы ман йыл сайын озгарылады. Ден савлык кебин кенъ таралтув эм яслар арасында спортты белсенли оьрлентуьв – онынъ негизли борышларынынъ бириси. Сондай биринши тарих оьзгериси 2015-нши йылдынъ кырк кийик айынынъ 5-нши
куьнинде Москва каласында уйгынланып озган.
Сол финал кезеги «Сав-
лай дуныядагы ногайларды тыпакластырув» деген шакырувы астында оьткен спорт эм маданият байланысларын беркитуьвде маьнели абыт
болып белгиленди.
2026-ншы йылдынъ
Ногай футбол лигасынынъ тамамы бойынша командалар уйгынлы ойынын эм йогары оьл-
шемде аьзирлигин коьрсетип, Дагестан Республикасынынъ Ногай районындагы «Кунбатар»
командасы – биринши,
ойыннынъ финал кезегинде Карашай-Шеркеш
Республикасынынъ
Икон-Халк авылыннан,
оьз регионын ойынлардынъ финал кезеклеринде тийисли кепте коьрсеткен, «Шаьбден» эм «Тохтамыш» командалары – экинши, Ямал-Ненец автоном округыннан «Ногай Эл ЯНАО»
деген командасы уьшинши орынларына тийисли этилдилер. Енъуьвшилердинъ бийик етимислерин белгилеп эм олар-
ды келеекте де коьнъиллендирер ниетте «Кунбатар» командасына Икон-
Халк авылыннан «Тохтамыш» фермерлик хозяйствосынынъ етекшиси, предприниматель Башир Карасовтынъ атыннан юз
мынъ маьнет акша эсабында сертификаты тапшырылды.
Ногай футбол лигасы аьрекетлев йыллары бойында ерли турнириннен халклар реги-
онлар ара ярысына дейим оьсти. 2026-ншы йыл финал кезегинде он эки командалары ортакшылык эттилер.
Соьйтип «Кунбатар»
футбол командасы Ногай
футбол лигасынынъ
тарихинде оьз атын калдырып, Дагестанды эм Ногай районынынъ атын тийисли коьрсетти.
Ойын енъуьвшилерин
эм баргы иелерин бийик
етимиси мен кутлаймыз.
Сол Черкесск каласындагы «Нарт» стадионында озган шатлыклы спорт шарасы, тиресуьвли куьресуьв, кызувлы ойыны, мутылмас футбол байра-
мы болып юзлеген яны
авырыганлардынъ эслеринде сакланаягына соьз йок.

Г.Нурдинова.

Суьвретте: турнир енъуьвшиси "Кунбатар" командасынынъ агзалары.